قیبریس اؤزل موشاویری اسپن بارت ایدی، 27 نوامبر بازار گونو آدایا گئدیر
مصطفی آکینجی، آمریکا باشقانی کؤمکچیسی جو بایدن و بیرلشمیش میللتلر تشکیلاتینین باش کاتیبی بان-کی موون ایله بیر تلفون گؤروشمهسی رئاللاشدیردی
سوئیسنین مونت پلرین قصبهسیندکی قیبریس دانیشیقلارینین اوغورسوز اولماسینین آردیندان بیرلشمیش میللتلر تشکیلاتینین باش کاتیبینین قیبریس اؤزل موشاویری اسپن بارت ایدی، (27 نوامبر) بازار گونو آدایا گئدیر.
اسپن بارت ایدی، آدادا قوزئی قیبریس تورک جمهوریتی پرزیدنتی مصطفی آکینجی و روم رهبرلیگی لیدری نیکوس آناستاسیادیس ایله آیری-آیری بیر آرایا گلهرک سورهجی ایرهلییه داشییابیلمک اوچون آتیلماسی لازیم اولان آددیملاری گؤروشهجک.
مصطفی آکینجی، آمریکا باشقانی کؤمکچیسی جو بایدن و بیرلشمیش میللتلر تشکیلاتینین باش کاتیبی بان-کی موون ایله بیر تلفون گؤروشمهسی رئاللاشدیردی.
آکینجی دانیشیقلاردا تورک طرفینین حلی اوچون قاطعیتینی و بو یؤندکی ایرادهسینی سؤیلهدی.
بیرلشمیش میللتلر تشکیلاتینین قیبریس میسیونودان ائدیلن آچیقلامایا گؤره، باش کاتیب بان کی موون دا، مصلحتچیسی اسپن بارت ایدیدن مونت پلرین سورهجینه باغلی معلومات آلدی و پروسسین باشاریسیز اولماسی سببیله خیال قیریقلیغینی دیله گتیردی.
آچیقلامادا باش کاتیب بان، ایکی لیدرین اهمیتلی ایرهلیلمهلر یازدیغینا دقت چکدی و هر کسی سورهجی داها چوخ چتینه سالاجاق آچیقلامالاردان چکینمهیه چاغیردی.
آچیقلامایا، بان، حل یؤنونده دستگینی بیر دفعه داها وورغولادی و هم لیدرلرله هم ده مصلحتچیسی ایدی ایله یاخین تماس حالیندا قالاراق سورهجی تعقیب ائدجگینی بیلدیردی.
بان، قارانت اؤلکهلر تورکیه، یونانیستان و اینگیلترنی ده حل یؤنوندکی دستکلرینی آرتیرماغا دعوت ائتدی.
