رضوی و مرادپورون ساغلیق دوروملاری گئتدیکجه پیسلهشیر
رسول رضوی 43، مرتضی مرادپور ایسه 21 گوندور حاقلارینین پوزولدوغونا اعتراض اولاراق آجلیغا داوام ائدیر
610406
رسول رضوی و مرتضی مرادپورون اعتراض اوروجو داوام ائدیر.
کرج زندانیندا اؤزل بؤلومده توتولان رضوی و مرادپورون دوروملارینین یاخشی اولمادیغی بیلدیریلیر. آجلیق ائیلملرینی سوردورن بو ایکی مدنی آکتیویسته اعتصاب سیراسیندا وئریلمهسی گرکلی اولان دوز، شکر و یئترلی سو وئریلمیر.
محبوسلارین یاخینلارینین وئردیگی بیلگیلره گؤره، تبریز زندانیندان کرج زندانینا آپاریلان رضوی و مرادپورون ساغلیق دوروملاری گئتدیکجه پیسلهشیر. زندان یئتکیلیلری، اعتصابا سون وئرینجهیه قدر ایکی فعالین اؤزل بؤلومده توتولاجاغینی بیلدیریر.
رسول رضوی 43، مرتضی مرادپور ایسه 21 گوندور حاقلارینین پوزولدوغونا اعتراض اولاراق آجلیغا داوام ائدیر.