اورمیهلیلر تورکیهیه دستک گؤستریسی کئچیریبلر
ایرانین غربی آذربایجان ویلایتینین مرکزی اورمیه شهرینین ساکینلری ترورا اعتراض و تورکیهیه دستکلرینی ایفاده ائتمک اوچون ساکیت گؤستری کئچیریبلر
اورمیهلیلر تورکیهیه دستک گؤستریسی کئچیریبلر
ایرانین غربی آذربایجان ویلایتینین مرکزی اورمیه شهرینین ساکینلری ایکی گون اوّل ایستانبولون آتاتورک اولوسلار آراسی هاوا لیمانینداکی ترور سالدیریسینا اعتراض بیلدیرمک، تورکیهیه دستکلرینی ایفاده ائتمک و اؤلن اینسانلارین خاطیرهسینی یاد ائتمک اوچون تورکیهنین اورمیهدکی کونسوللوغو قارشیسیندا ساکیت گؤستری کئچیریبلر.
ترورا اعتراض ائدن اورمیهلیلر اللرینده تورکیهیه دستک پلاکاردلاری و چیچکلر توتاراق دونیانی باشینا آلان شدته قارشی اولدوقلارینی بیلدیریبلر.
گلن خبرلره گؤره بو گؤستریچیلرین بیر نئچهسی امنیت گوجلری طرفیندن توتولوب.
قید ائدک کی، ایستانبولون آتاتورک اولوسلار آراسی هاوا لیمانینداکی ترور سالدیریسی نتیجهسینده باش وئرمیش پارتلاییشلاردا اؤلنلردن 5-ی ایرانلییمیش کی، اونلاردان بیری گونئی آذربایجانین سالماس شهرینین ساکینی سالار داوودی کؤهنشهری اولوب. لیستهده تورکیه وطنداشلاریندان باشقا اؤزبکیستان، شرق تورکیستان (چینین اویغور مختار ویلایتی)، سعودی عربیستانی، تونیس، اوردون، عراق و اوکرایندان اولان یولجولارین دا آدلاری وار.
خاطیرلاداق کی، ژوئنین 28-ی آخشام ساعاتلاریندا ایستانبولون آتاتورک اولوسلارسی هاوا لیمانیندا تؤرهدیلن ترور حرکتینده 42 نفر اؤلوب، 5-ی ایرانلی اولماقلا، 200 نفره یاخین اینسان ایسه بدن خسارتی آلیب. اؤزونه اینتیحار کمری باغلامیش 3 ترورچو جانلی بومبا، هاوا لیمانینین اولوسلار آراسی ترمینالینین گیریشینده مختلیف اؤلکهلردن اولان میسافیرلرین اوستونه کلاشنیکوولا آتش آچیب، سونرا ایسه بیر نئچه پارتلاییش تؤردیب. هاوا لیمانینا سلاحلی-بومبالی باسقینی داعش ترور قروپلاشماسینا باغلی شخصلرین حیاتا کئچیردیگی تخمین ائدیلیر.
اونو دا قید ائدک کی، ایرانین غربی آذربایجان ویلایتینین مرکزی اورمیه شهری ایله تورکیهنین ایستانبول شهری آراسیندا 2013-جو ایلین 9 مییده بیرباشا اوچوشلار آچیلیب و اورمیه-ایستانبول اوچوشو هفتهده اوچ دفعه حیاتا کئچیریلیر.
ایلگیلیلی خبرلر
قیرقیزیستاندا مافیا ماللاری ساتیشا چیخاریلدی
ساتیلان املاک، متشکیل سوچلار و فسادلا موباریزه چرچیوهسینده دؤولتین مولکیتینه گئچمیشدی