آوراسیا یازارلار بیرلیگی آذربایجانلی یازار آنارین کیتابینی تانیدیب
دونن تورکیه‌نین باشکندی آنکارادا آوراسیا یازارلار بیرلیگی ایله گونئی یازیچی‌لار بیرلیگی ترفیندن تشکیل اولونان تدبیر کئچیریلیب.
آوراسیا یازارلار بیرلیگی آذربایجانلی یازار آنارین کیتابینی تانیدیب
تدبیر آذربایجان‌ین مشهور یازیچی‌سی و تورک دونیاسی‌نین فخری آنارا و آذربایجان ادبیاتینا تقدیم ائدیلیب.
تدبیره آذربایجان‌دان آنار، شاعر رشاد مجید و پروین نورعلیئوا قاتیلیبلار.
عینی زاماندا تدبیرده تورکسوی-ون باش کاتیبی‌نین معاوینی فرات پورتاش، تورکسوی-ون آذربایجان نماینده‌سی ائلچین قافارلی و چوخ سایدا دعوتلیلر قاتیلیبلار.
تدبیرین آچیلیش مراسیمینده چیخیش ائدن آوراسیا یازارلار بیرلیگی‌نین صدری یعقوب عمر اوغلو آوراسیا یازارلار بیرلیگی‌نین تشکیل ائتدیگی تدبیرده آنارین یئنی چاپ اولونموش کیتابی‌نین تقدیماتی‌نین کئچیریلدیگینه چوخ شاد اولدوغونو وورغولاییب.
تدبیره قاتیلان آذربایجان یازیچیلاری و شاعری اؤز اورک سؤزلرینی دئییبلر.
پروین نور علیئوا چیخیشی زامانی اونون اوچ وطنی‌نین اولدوغونو ایفاده ائدیب. او: ' دوغما وطنیم آذربایجان، ایکینجی وطنیم تورکیه، اوچونجو وطنیم ایسه آنار دونیاسی‌دیر ' دئیه قید ائدیب.
تدبیر چرچیوسینده آنارین ' گؤز مونجوغو '، پروین نورعلیئوا ' آنارین دونیاسی ' و رشاد مجیدین ' بیر داها گلمیجک ' آدلی کیتاب‌لاری‌نین تقدیماتی اولوب.
آنارین، پروین نورعلیئوا و رشاد مجیدین یارادیچی‌لیغینی سئونلر و ایزلینلر کیتاب‌لارینی ایمضالادیب‌لار و شکیل چکدیریبلر.
ایلگیلی‌لی خبرلر
"تکنوفست آذربایجان" باشلاییر
باکی‌دا دونیانین ان بؤیوک هاواچیلیق، اوزای و تکنولوژی فستیوالی "تکنوفست آذربایجان" ایشه باشلاییر
آذربایجان جمهوریتینده باغیمسیزلیق بایرامی قوتلانیر
آذربایجان جمهوریتینده خالق، ایکی ایلدیر مستقیللیک گونونو مظفر خالق اولاراق غرورلا قوتلاییر
