قیریم مئدیا قورولوش‌لاری قاپانما تهلوکه‌سی آلتیندا

قیریم خبر آژانسی، عودت قزئتی، دونیادا ایلک و تک قیریم تاتار تلویزیونو آت‌ر و باشقا بیر چوخ مطبوعات قورولوشونون فعالیتینه یارین سون وئریله‌بیلر

289594
قیریم مئدیا قورولوش‌لاری قاپانما تهلوکه‌سی آلتیندا

قیریم تاتار مئدیا قورولوش‌لاری قاپانما تهلوکه‌سی آلتیندا.
قیریم خبر آژانسی، عودت قزئتی، دونیادا ایلک و تک قیریم تاتار تلویزیونو آت‌ر و باشقا بیر چوخ مطبوعات قورولوشونون فعالیتینه یارین سون وئریله‌بیلر.
1 آوریل‌دن سونرا فعالیت‌لرینه داوام ائتمک ایسته‌ین مطبوعات اورگان‌لاری‌نین روسیا قانونلارینا گؤره ثبت اولماسی ایسته‌نیر.
روسیا، چئشیدلی بهانه‌لرله قیریم تاتارلاری‌نین مئدیا قورولوش‌لارینی ثبت ائتمه‌یی رد ائدیر.
روسیانین ثبت ائتدیرمه‌دیگی قورولوش‌لار آراسیندا بیرینجی قیریم تاتار تلویزیونو، لاله قیریم اوشاق تلویزیونو، قیریم تاتار رادیوسو، میدان و 15 مینوت خبر سایتی وار.
آت‌رنی دوشمن کانال اولا‌راق آدلان‌دیران قیریم یؤنه‌تیمی، بو کانالین، "خالق اوچون تهدید میدانا گتیردیگینی و قیریم ساکین‌لرینه قیریمین اوکراینایا گئری دؤنجیینه دایر اومود وئردیگینی" ادعا ائتدی.
ثبت ایشلم‌لرینده رد جاوابی آلان مئدیا قورولوش‌لاری‌نین خبرچیلرینه، قیریم یؤنه‌تیمی و حقوق محافظه قوه‌لری طرفین‌دن باسقیلار تطبیق اولونور.
قیریم یؤنه‌تیمی و حقوق محافظه قوه‌لری، بو موخبیرلره، رسمی تدبیرلرده ایشتیراک ایجازه‌سی وئرمیر، ائولرینی آختاریر، بعضی موخبیرلرین علیه‌ینه دعوی‌لر آچیر.
قیریم تاتار میلی مجلیسی، مستقیل قیریم تاتار مئدیا قورولوش‌لاری‌نین ثبتی‌نین ردینین، قیریم تاتار خالقی‌نین حاق‌لاری و منفعت‌لری‌نین پوزولماسی اولاراق دگرلندیریر، بیرلشمیش میلت‌لر تشکیلاتی‌نین یئرلی خالق‌لار حاق‌لاری بیاننامه‌سینه ضد اولدوغونو قید ائتدی.


اتیکتلر:

ایلگیلی‌لی خبرلر