قیریم تاتارلاری، کیئوده توپلاندی
قیریم تاتارلاری، اوتورومدا، بؤلگه‌دکی سون وضعیتی اله آلدی
قیریم تاتارلاری، قیریمین روسیا طرفین‌دن یاسادیشی ایلحاقی‌نین 1.جی ایل‌دؤنومو سببیله، اوکراینانین باشکندی کیئوده بیر اوتوروم تشکیل ائتدی.
اوکراینانین اراضی بوتؤو‌لوگونو ساووناراق آغ‌مسجیدده اعتراض میتینگی ائتمه‌لری‌نین بیرینجی ایل‌دؤنومونو ده آنان قیریم تاتارلاری، اوتورومدا، بؤلگه‌دکی سون وضعیتی اله آلدی.
اوتوروما، قیریم تاتار خالقی‌نین میلی لیدئری، اوکراینا پرزیدنتی‌نین قیریم تاتارلاریندان سوروملو نماینده‌سی و اوکراینا میللت وکیلی مصطفی جمیل قیریم‌اوغلو، قیریم تاتار میلی مجلیسی باشقانی ریفات چوباروو و بعضی اوکراینا‌لی یئتکی‌لی‌لر ده قاتیلدی.
مصطفی جمیل قیریم‌اوغلو، اوکراینانین، بؤلگه‌نی ایداره ائتدیگی دؤورده قیریم‌داکی روس طرفداری گوج‌لره قارشی هئچ بیر تدبیر آلمادیغینی سؤیله‌دی.
اوکراینا دؤولت باشقانی پترو پوروشنکونون قیریما گئدن قیدا و انرژی قایناق‌لارینا قارشی سؤوقیاتی دوردورماسی لازیم اولدوغونو ساوونان قیریم‌اوغلو، "بیر حالدا کی، روسیا قیریمی ایشغال ائتدی، اونون اقتصادی وضعیتی، اینسان‌لاری نئجه قیدا و انرژی ایله تامین ائدیلمه‌سین‌دن ده روسیا سوروملودور" دئدی.
قیریم‌اوغلو، اینسان‌لارین روسیایا عاید قیریمین، هئچ بیر گله‌جیی‌نین اولمادیغینی چوخ یاخشی آنلادیغینی ایفاده ائتدی.
قیریم تاتار میلی مجلیسی باشقانی ریفات چوباروو دا، اوکراینا رهبرلیگینی، قیریم ایله قورو یولو و دمیریولو نقلیاتینی یئنی‌دن ساغلامایا چاغیردی.
