"بیر کره یوکسلن بایراق بیر داها ائنمز"

بوگون دوغو دونیاسینین ایلک دموکراتیک جمهوریتی، آذربایجان خالق جمهوریتی بانی‌لریندن، بؤیوک اؤندر محمد امین رسول‌زاده‌نین دوغوم گونوردور.
محمد امین، 31 ژانویه 1884 ایلینده باکی‌نین نوخانی کندینده دونیایا گلدی. آذربایجان ملی استقلال حرکتی باشقانی رسول‌زاده، عومرو بویونجا وطنی آذربایجان و تورک ملتی اوچون چالیشمیش، آدینی قیزیل دامغالارلا تاریخین یارپاقلارینا یازدیرمیشدیر. کؤچ و سوروگون حیاتی اونون دمیردن اراده‌سینی بیله‌میش و "بیر کره یوکسلن بایراق بیر داها ائنمز" اولکوسویله آذربایجان و تورک دونیاسی اوچون اونودولماز بیر اؤندر اولموشدور.
بؤیوک اؤندر بیر عومور مبارزه‌دن سونرا 6 مارس 1955دن بری آنکارانین عصری مزارلیغیندا دینله‌نمکده‌دیر. تینی اوچماق‌دا!