باکی-تیفلیس-قارص دمیر یولو خطی، یئنی ایلده ایستیفاده‌یه آچیلا‌جاق

تیکیلمه 2007-جی ایلده آذربایجان، تورکیه و گورجوستان دولت‌لری آراسیندا ایمضا‌لانان آنلاشما باش‌لانان باکی-تیفلیس-قارس دمیر یولو خطینده ایشلر سرعتلندی

205311
باکی-تیفلیس-قارص دمیر یولو خطی، یئنی ایلده ایستیفاده‌یه آچیلا‌جاق

تاریخی ایپک یولونو دمیر شبکه‌لرله یئنی‌دن حیاتا کئچیره‌جک اولان باکی-تیفلیس-قارص دمیر یولو خطی، یئنی ایلده ایستیفاده‌یه آچیلا‌جاق.
خطین آذربایجان حیسه‌سینده ایشلر تاماملانماق مرحله سینده.
تیکیلمه 2007-جی ایلده آذربایجان، تورکیه و گورجوستان دولت‌لری آراسیندا ایمضا‌لانان آنلاشما باش‌لانان باکی-تیفلیس-قارس دمیر یولو خطینده ایشلر سرعتلندی.
هدف، تاریخی ایپک یولونو دمیر شبکه‌لرله 2015-جی ایلده یئنی‌دن حیاتا کئچیرمک ...
خطین آذربایجان حیسه‌سینده ایشلر بیتمک‌ده‌دیر.
آذربایجان نقلیات ناظیرلیگی‌نین معلومات‌لارینا گؤره، ایل سونوندا سیناق قطاری خطی بوراخیلا‌جاق.
پروژه چرچیوه‌سینده خطین تورکیه و گورجوستان حیسه‌سینده تیکمه و تعمیر ایشلری ایله گورجوستان-تورکیه سرحدینده 4.5 کیلومتر اوزونلوغون‌داکی تونل تیکیلیر.
آذربایجان، خطین گورجوستان حیسه‌سی اوچون 775 میلیون دو‌لار کرئدیت آییردی.
آذربایجان نقلیات ناظیرلیگی‌نین معلومات‌لارینا گؤره، باکی-گورجوستان سرحدی ایستیقامتینده 347 کیلومترلیک دمیریولو خطی یئنی‌دن قورولوب.
پروژه چرچیوه‌سینده قطارلارین سرعتی‌نین 140 کیلومتره چاتدیریلماسی نظرده توتولور.
دمیریولو خطی ایستیفاده‌یه تقدیم ائدیلدیک‌دن سونرا ایلده 3 میلیون یوچونون، 17 میلیون تون یوک داشیما ظرفیتینه صاحب اولا‌جاق.
آسیا ایله اوروپانی بیر-بیرینه باغلاماغی نظرده توتان باکی-تیفلیس-قارص دمیر یولو خطی، بؤلگه اؤلکه‌لری‌نین ایشتیراکینا دا آچیق.
باکی-تیفلیس-قارص دمیر یولو خطی ایله ترانس-اوروپا دمیر یولو شبکه‌لری ده بیرلش‌دیریله‌جک.


اتیکتلر:

ایلگیلی‌لی خبرلر