قیریم تاتارلارینا روس باسقیسی داوام ائدیر

روس یؤنه‌دیمی ایندی ده باغچاسارای‌داکی قیریم تاتار بؤلگه مجلیسینی هدف آلدی

145616
قیریم تاتارلارینا روس باسقیسی داوام ائدیر


بوندان اؤنجه قیریم تاتار مجلیسی بیناسینی بوشالدان یؤنه‌دیم ایندی ده باغچاسارای‌داکی قیریم تاتار بؤلگه مجلیسینی هدف آلدی.
قیریم تیجارت محکمه‌سی، باغچاسارای قیریم تاتار بؤلگه مجلیسی‌نین اولدوغو بینانین ایجاره سؤزلشمه‌سی‌نین لغو ائدیلمه‌سینه و مجلیسین بینا‌دان تخلیه‌سی قرارینی وئردی.
باغچاسارای قیریم تاتار بؤلگه مجلیسینه ۱۲ ایلدیر ائو صاحب‌لیگی ائدن بینانین کیرایه سؤزلشمه‌سی قیریم تیجارت محکمه‌سی طرفین‌دن لغو ائدیلدی.
قیریم تاتار مجلیسی باشقانی آهتم چیگؤز محکمه‌نین عدالت‌لی داورانمادیغینی و قرارا اعتراض ائده‌جک‌لرینی سؤیله‌دی.
۱٦ سپتامبر دا دا آغ‌مسجیدده اولان قیریم تاتار میلی مجلیسی بیناسینا روسیا فدرال گوونلیک سرویشی امکداش‌لاری و سلاح‌لی شخص‌لر باسقین تشکیل ائتمیش و ائدیلن آختاریش سونراسیندا دا بینا موهورلنه‌رک باغلانیلمیشدی.
قیریم تاتار وقفی باشقانی رضا شئوکیئو قونویلا ایلگیلی اولا‌راق، حکومت طرفداری بیر قیریم تاتار مجلیسی قورولماق ایستندیگینی، اؤزلرینه قارشی تطبیق اولونان ییپراتما سیاستی‌نین سببی‌نین ده بو اولدوغونو ایفاده ائتمیشدی.
اوکراینایا باغلی قیریم اؤزارک جمهوریتینده مارس آییندا ائدیلن رفراندوملا باغیمسیزلیق قراری آلینمیش، قیریم داها سونرا روسیا طرفین‌دن ایلحاق ائدیلمیشدی.


اتیکتلر:

ایلگیلی‌لی خبرلر