اؤزبکیستانلی خسته درمان اولماغا اوچون تورکیه‌نی سئچدی

"اؤزبکیستاندا یاشادیغیم و تورک اولدوغوم اوچون تورکیه منه داها یاخین گلدی"

2155159
اؤزبکیستانلی خسته درمان اولماغا اوچون تورکیه‌نی سئچدی

اؤزبکیستان‌دا سیروز خسته‌لیگی تشخیصی قویولان وکیل سردار کامالووا، تورکیه‌ده حیات یولداشیندان آلینان قاراجیگر نقل ائدیلدی.

اوشاقلیغیندان بری هپاتیت ب خسته‌لیگی اولان و اؤزبکیستان‌دا قاراجیگر چاتمازلیغی تشخیصی قویولان ۴۳ یاشینداکی سردار کامالووا، ایستانبولدا ۳۳ یاشینداکی حیات یولداشی نرگیزه کامالووادان آلینان قاراجیگر نقل ائدیلدی.

ایکی اوشاق آتاسی کامالوو، خصوصی بیر خسته خانادا ائدیله‌ن جراحلیک عملیاتلا ساغلاملیغینا قوووشدو.

ائتدیی آراشدیرما نتیجه‌سینده جیگر آلما عملیاتینی تورکیه‌ده اولماغا قرار وئردیینی دیله گتیره‌ن کامالوو، بئله دانیشدی:

"باشقا اؤلکه‌لرده‌کی قاراجیگر نقللریله باغلی دا آراشدیرمالار ائتدیم. اؤزبکیستانلی و تورک اولدوغوم اوچون تورکیه منه داها یاخین گلدی. تورکیه‌یه گلمه‌دن اول بورادا عملیات کئچیره‌ن خسته‌لرله گؤروشدوک. اؤزبکیستاندا دا عملیاتین تورکیه‌ده ائدیلمه‌سینی تکلیف ائتدیلر. بئله‌جه ایستانبولا گله‌رک عملیات کئچیرمه‌یه قرار وئردیک."

تورکیه‌ده مراجعت ائتدیی خسته خانادا ائدیله‌ن تستلرین آردیندان موفقیتلی بیر نقل عملیاتی کئچیردیگینی ایفاده ائد‌ن کامالوو، "ساغلاملیغیم بو آن چوخ یاخشی. ۲-۳ هفته‌دیر آیاغا قالخا بیلیر و گئده بیلیرم. حیات یولداشیمین دا ساغلاملیغی یاخشی. خسته خانادان بوراخیلاجاغیق اما ۳ آی بویونجا هر هفته کنترلا گلمه‌م لازیمدیر. تورکیه‌ده ۲-۳ آی قالاجاغام. قارداشیم، آنام و اوشاقلاریم دا بورادا. خسته خانادان چیخاندان سونرا ایستانبولو گزیب، یئمکلریندن یئمک ایستییریک".



ایلگیلی‌لی خبرلر