۱۷ میلیوندان چوخ اوشاق آجلیق ایچینده دوغولاجاق
بو ایل ۱۷،۶ میلیوندان چوخ اوشاغین آجلیق ایچینده دوغولاجاغی و بو رقمین ۱۰ ایل اؤنجه‌سینه مقایسه‌ده یوزده ۲۲ آرتیش آنلامینا گلدیگی بیلدیریلدی
بو ایل ۱۷،۶ میلیوندان چوخ اوشاغین آجلیق ایچینده دوغولاجاغی بیلدیریلدی.
اینگیلتره مرکزلی سیویل توپلوم قورولوشو سیو ده چیلدرین (اوشاقلاری قورتارین)، بیرلشمیش میللتلر غذا و اکینچیلیک تشکیلاتینین (فائو)، یئترسیز بسله‌نمه‌نین یاییغینلیغنا باغلی ان سون اؤلکه بیلگیلرینی و بیرلشمیش میللتلرین دوغوم ساییسینا باغلی تخمینلریندن ایستیفاده ائد‌رک، دونیا اوشاق گونونده یئنی آنالیزینی یاییملادی.
آنالیزده، بو ایل ۱۷،۶ میلیوندان چوخ اوشاغین آجلیق ایچینده دوغولاجاغی و بو رقمین ۱۰ ایل اؤنجه‌سینه مقایسه‌ده یوزده ۲۲ آرتیش آنلامینا گلدیگی بیلدیریلدی.
اقتصادی استقرارسیزلیق، چاتیشمالار و تکرارلانان ایقلیم دییشیکلیکلرینین دونیانین هر طرفینه تأثیر ائد‌ن ییخیجی آجلیق بحرانینی آرتیردیغی ایفاده ائدیله‌ن آنالیزده، بو ایل دونیادا یئترسیز بسلنه‌ن آنالارین دوغوملارینین یوزده ۹۵ینین آفریقا و آسیادا گئرچکلشه‌جگی قید ائدیلدی.
اؤته یاندان، بیلگیلرین، ایشغال آلتینداکی فیلیسطین تورپاقلاریندا آرتان خشونتین بؤلگه‌ده‌کی آجلیق و یا دوغوم نیسبتی اوزرینده‌کی تأثیرینی احتیوا ائتمه‌دیگینه دقت چکیلدی.
"کونگو دموکراتیک جمهوریتینده تخمیناً ۱،۵ میلیون کؤرپه، آجلیغین پنجه‌سینده دونیایا گله‌جک"
آنالیزده، جمعیتینین ان آز یوزده ۲۵ی مزمن آجلیقلا قارشی قارشییا اولان کونگو دموکراتیک جمهوریتینین بو ایل یئترسیز بسله‌نمه ایله دوغولان کؤرپه ساییسیندا "ان یوکسک اؤلکه" اولاجاغی اؤن‌گؤروسو یئر آلدی.
کونگو دموکراتیک جمهوریتینده تخمیناً ۱،۵ میلیون کؤرپه‌نین، آجلیغین پنجه‌سینده دونیایا گله‌جگی تخمینینه یئر وئریله‌ن آنالیزده، بو سایینین، فائو رقملری ثبت ائتمه تاریخینین باشلادیغی ۲۰۰۱دن بو یانا "اؤلکه اوچون قید ائدیلن ان یوکسک رقم" اولاجاغی اؤن‌گؤرولدو.
آیریجا، تخمینلرین، بو ایل کونگو دموکراتیک جمهوریتینده ۵ یاش آلتینداکی تخمیناً ۶،۶ میلیون اوشاغین یئترسیز بسله‌نه‌جگینی گؤستردیگینه ایشاره ائدیلدی.
سیو ده چیلدرین، آنالیزه باغلی آچیقلاماسیندا، بو گون اینگیلتره‌ده تشکیل ائدیله‌ن قلوبال غذا گوونلیگی ذیروه‌سینده بیر آرایا گلن دونیا لیدئرلرینه سسلنه‌رک، حاد غذا و بسله‌نمه گوونسیزلیگینین تمل سببلرینی اله آلمالاری چاغریسی ائتدی.
ایلگیلی‌لی خبرلر
دونیانین ان بؤیوک بوزداغی حرکت ائتدی
۳۰ ایلده‌ن اوزون بیر مدت حرکتسیز قالان بوزداغینین قالینلیغی ۴۰۰ متره قدر چاتیر.
