لیبیده سئل سببی ایله اؤلنلرین ساییسی ۵ مینی گئچدی

لیبینین دوغوسوندا‌کی درنه شهرینده سئل سببی ایله اؤلنلرین ساییسینین ۵ مین ۳۰۰ نفره چیخدیغی، مینلرله اینسانین دا ایتکین اولدوغو بیلدیریلدی.
لیبینین رسمی خبر آژانسی لانانین خبرینه گؤره، ۱۰ سپتامبردا میدانا گلن سئل فاجعه‌سینده یالنیز درنه شهرینده اؤلنلرین ساییسینین ۵ مین ۳۰۰ نفره یوکسلدیگی ایفاده ائدیلدی.
اورتا آغ دنیز‌ده تأثیرلی اولان و ۱۰ سپتامبردا لیبینین دوغوسونو ووران "دانیل" فیرتیناسی، بنغازی،  بیضا، مرج،درنه و سوسه شهرلرینده سئل فاجعه‌سینه سبب اولموشدو.
میللی بیرلیک حکومتی باشباخانی عبدالحمید دبیبه، سئل فلاکتی سببی ایله اؤلکه‌ده ۳ گونلوک یاس اعلان ائتمیش، لیبی باشقانلیق شوراسی دا قارداش اؤلکه‌لره و اولوسلارآراسی قورولوشلارا سئل فاجعه‌سیندن ضرر گؤره‌ن بؤلگه‌لر اوچون کؤمک چاغریسی ائتمیشدی.
قیزیل خاچ، لیبیده‌کی سئل فاجعه‌سینده ایتکین اینسان ساییسینین ۱۰ مینه چیخدیغینی ایفاده ائتمیشدی.
لیبینین دوغو بؤلگه‌لرینده‌کی یاغیش میقدارینین سون "۴۰ ایلین ان یوکسک سویه‌سینده" اولدوغو ایفاده ائدیلیر.