اردوغان لیدئرلره کیتاب هدیه ائتدی
"دونیامیزین و اینسانلیغین اورتاق گله‌جگینی ماراقلاندیران بو حیاتی مسئله‌ده هم اؤز تعهدلاریمیزی یئرینه یئتیریر هم ده قلوبال سویه‌ده ایجرا ائدیله‌ن ایشلره دستک وئریریک"
جمهورباشقانی رجب طیب اردوغان، هیندیستان‌دا قاتیلدیغی گ۲۰ لیدئرلر ذیروه‌سینده، دؤولت باشقانلاری و لیدئرلره، ایله‌تیشیم باشقانلیغی طرفیندن حاضرلانان "یاشانابیلیر بیر دونیا اوچون تورکیه‌نین صیفیر آتیق یولچولوغو" کیتابینی تقدیم ائتدی.
کیتابین تقدیم یازیسیندا، ایقلیم دییشیکلیگی، بیولوژیک چئشیدلیلیک ایتکیسی و چیرکلیلیک اولاراق آدلاندیریلان "اوچلو گزه‌ن بحرانی" ایله موباریزه‌ده باشاریلی اولماق اوچون کوره‌سل دایانیشمانین اؤنمینی وورغولایان اردوغان، بونلاری قید ائتدی:
"آنجاق اولوسلارآراسی دایانیشما گئده‌رک آشینماقدا، امکداشلیغین یئرینی من‌مرکزچی یاناشمالار آلماقدادیر. بونون بدلینی ایسه باشدا آفریقا و آسیا قاره‌سینده‌کی محروم اؤلکه‌لر اولماق اوزره بوتون اینسانلیق اؤد‌مکده‌دیر.
اؤلکه‌میزین، ایقلیم دییشیکلیگی و چیرکلیلیگین سببی اولاراق گؤستریله‌ن پروبلئملرده، گلیشمیش اؤلکه‌لره مقایسه‌ده، هاراداسا هئچ بیر پایی یوخدور. بونا باخمایاراق، تورکیه اولاراق، دونیامیزین و اینسانلیغین اورتاق گله‌جگینی ماراقلاندیران بو حیاتی مسئله‌ده هم اؤز تعهدلاریمیزی یئرینه یئتیریر هم ده قلوبال سویه‌ده ایجرا ائدیله‌ن ایشلره دستک وئریریک".
تورکیه‌نین ۲۰۵۳ دقیق صیفیر امیسیون/یایینیم و یاشیل قالخینما هدفلریله پاریس ایقلیم آنلاشماسینا ان اؤنملی قاتقینی وئردیگینه دقت چکه‌ن اردوغان یازیسیندا، بئله داوام ائتدی:
"صیفیر توللانتیدان یئنیلنه‌بیلیر انرژی پروژه‌لرینه، میللت باغچالاریندان اورمان وارلیغیمیزی آرتیرماغا، آتیق سو آریتمادان هاوا کیفیتی اؤلچومونه قدر بیر چوخ اویقولاما ایله داها تمیز و یاشیل تورکیه اوچون چابا صرف ائدیریک. یئنیلنه‌بیلیر قورولو گوج باخیمی‌دان آوروپا ۵جیسی، دونیا ۱۲.جیسی دورومونداییق.
حیات یولداشیم امینه اردوغانین لیدئرلیگینده حیاتا گئچه‌ن صیفیر توللانتی پروژه‌سی، بو مدتده بیر دؤنوم نقطه‌سی اولدو. 'دونیا اورتاق ائویمیز' شعارییلا ایجرا ائدیله‌ن پروژه‌میز، بوتون دونیانین تقدیرینی قازاناراق، اوچو بیرلشمیش میللتلر اوفیس و پروگراملاریندان اولماق اوزره، توپلام ۵ اولوسلارآراسی اؤدوله لاییق گؤرولدو".
جمهورباشقانی اردوغان، تورکیه‌نین چابالاری ایله قبول ائدیله‌ن ۷۷/۱۶۱ ساییلی بیرلشمیش میللتلر باش قورول قرارییلا صیفیر توللانتی پروژه‌سینین، قلوبال بیر حرکته چئوریلدیگینی، بو قرارلا هر ایل قوتلانماق اوزره ۳۰ مارسین، اولوسلارآراسی صیفیر آتیق گونو اولاراق اعلان ائدیلدیگینی خاطیرلاتدی.
ایلگیلی‌لی خبرلر
مراکش‌ده‌کی زلزله‌ده اؤلنلرین ساییسی آرتدی
زلزله‌ده اؤلنلرین ساییسینین ۲ مین ۹۴۶ نفره، یارالی ساییسینین ۵ مین ۶۷۴ نفره چیخدیغی ایفاده ائدیلدی
