وبادان اؤلنلرین ساییسی ۲۰ نفره یوکسلدی

گونئی آفریقا جمهوریتینین باشکندی پرتوریا اطرافیندا یاشانان وبا/کلرا سالقینیندا اؤلنلرین ساییسی ۲۰ نفره یوکسلدی.
گاوتنگ ایالتی ساغلیق موسسه‌سین‌دن وئریله‌ن آچیقلامادا، سون گونلرده پرتوریانین قوزئیینده‌کی هامانسکرال بؤلگه‌سین‌ده گؤروله‌ن سالقیندا، ایندییه قدر کلرا تست نتیجه‌لری مثبت چیخان ۲۹ نفردن ۲۰سینین حیاتینی ایتیردیگی بیلدیریلدی.
آچیقلامادا، هامانسکرال بؤلگه‌سین‌ده کلرا علامتلری گؤستره‌ن ۱۷۹ نفرین معالیجه آلتینا آلیندیغی معلوماتی پایلاشیلدی.
حکومت‌دن وئریله‌ن آچیقلامادا ایسه بؤلگه‌ده‌کی بوتون سو قایناقلارینین تست ائدیلدیگی آنجاق ایندییه قدر قایناقلارین هئچ بیرین‌ده کلرایا راست گلینمه‌دیگی ایفاده ائدیلدی.
میللی یولوخوجو خسته‌لیکلر انستیتوسون‌دان وئریله‌ن آچیقلامادا، کلرانین ان آییرد ائدیجی علامتینین ایسهال اولدوغو، بوتون ایسهال اولقولارینین کلرا شوبهه‌سی ایله معالیجه ائدیلمه‌سی لازیم اولدوغو ایفاده ائدیلدی.
"ویبریو" باکتریسینین سبب اولدوغو، غذا و سو یولو ایله بولاشان کلرا، شدتلی ایسهالا و بد‌ن‌ده سو ایتکیسینه یول آچیر.

خسته‌لیک، معالیجه ائدیلمه‌دیگی تقدیرده اؤلومجول اولابیلیر.