ایران و افغانیستان آراسیندا سو سورونو داوام ائدیر
طالبان، ایرانلی اکیبلرین افغانیستان سدلرینده سو سویه‌سینین تعیینی اوچون آراشدیرما ائتمه‌سینه ایجازه وئرمه‌یه‌جکلرینی آچیقلادی
طالبان، ایرانلی تکنیک اکیبلرین افغانیستان سدلرینده سو سویه‌سینین تعیینی اوچون آراشدیرما ائتمه‌سینه ایجازه وئرمه‌یه‌جکلرینی آچیقلادی.
طالبان گئچیجی حکومتینین خاریجی ایشلر باخان وکیلی کؤمکچیسی و طالبانین اؤنده گلن آدلاریندان شیر محمد عباس ستانکزی، ایران ایله هلمند چایی اوزرین‌ده‌کی سویون پایلاشیمینه باغلی سون گونلرده یئنی‌دن شدتلنه‌ن گرگینلیک حاقین‌دا "افغانیستان اینترنشنال" تلویزیونونا دانیشدی.
افقانیستان ایله ایران آراسیندا سو پایلاشیمینا باغلی ۱۹۷۳ده ایمضالانان آنلاشمایا باغلی اولدوقلارینی ایفاده ائد‌ن ستانکزی، اؤلکه‌ده سون ایللرده گوجلو بیر قوراقلیق یاشاندیغینی آنجاق یئترلی میقداردا سو اولماسی وضعیتین‌ده ایرانین، حاقی اولان پایی آلاجاغینی قید ائتدی.
ستانکزی، سدلرین ده حربی بؤلگه‌لر کیمی هر اؤلکه‌نین میللی مسئله‌لری و محرمی اولدوغونو ایفاده ائد‌رک ایران حکومتینین کجکی سدینده اؤزلرینه باغلی تکنیک بیر هیئتین آراشدیرمالار آپارماسینا دایر ایسته‌گینی یئرینه یئتیرمه‌یه‌جکلرینی سؤیله‌دی.
ستانکزی، قوراقلیغین و سو قیتلیغینین کوره‌سل بیر پروبلئم اولدوغونو و بو سببله ایرانین بو پروبلئمی بؤیوتمه‌مه‌سی لازیم اولدوغونو ایفاده ائد‌رک پروبلئمین دیالوگلا حل ائدیلمه‌سینین اؤنمینی وورغولادی.
ایرانین افغانیستان سرحدین‌ده اولان سیستان و بلوچستان ایالتینه گئچه‌ن هفته گئدن ایران جمهورباشقانی ابراهیم رئیسی و ایران خاریجی ایشلر باخانی حسین امیرعبداللهیان، طالبان طرفینین سؤز قونوسو سو آنلاشماسینا رعایت ائتمه‌دیگینی ایفاده ائد‌رک سرت ایفاده‌لر ایشلتمیشدی.
طالبان سؤزچوسو ذبیح‌الله مجاهد ایسه ایرانلی مقاملارا جاواب اولاراق ایرانین توتومونون ایکیلی ایلیشکیلره ضرر وئره‌بیله‌جگینی ایفاده ائتمیش، مطبوعات اوزرین‌دن سرت بیانات وئریلمه‌مه‌سی لازیم اولدوغونو دئمیشدی.
سؤزو گئدن آچیقلامالارین آردین‌دان ایران، افغانیستانا بیر هیئت گؤندرمیش، گؤروشمه‌لرده سو و سرحد پروبلئملری اله آلینمیشدی.
