سئلده حیاتینی ایتیرهنلرین ساییسی ۴۳۸ نفره چیخدی
گئچهن هفته میدانا گلن سئل فلاکتینده ایتن ۲۶ نفرین داها جانسیز بدنینه چاتیلماسییلا اؤلو ساییسینین ۴۳۸ نفره یوکسلدیگینی بیلدیردی
کونگو دموکراتیک جمهوریتینین گونئی کیوو ایالتینده شدتلی یاغیشلارین سبب اولدوغو سئل فلاکتینده حیاتینی ایتیرهنلرین ساییسی ۴۳۸ نفره چیخدی.
کونگو دموکراتیک جمهوریتی حکومت سؤزچوسو پاتریک مویایا وئردیگی آچیقلامادا، گونئی کیوو ایالتینه باغلی بوشوشو و نیاموکوبی کندلرینده گئچهن هفته میدانا گلن سئل فلاکتینده ایتن ۲۶ نفرین داها جانسیز بدنینه چاتیلماسییلا اؤلو ساییسینین ۴۳۸ نفره یوکسلدیگینی بیلدیردی.
سئلده ایتنلرین ساییسییلا باغلی هله رسمی رقم اولمادیغینی ایفاده ائدن مویایا، مدنی قورولوشلارا گؤره ۴ میندن چوخ اینسانین هله ایتکین اولدوغونو سؤزلرینه علاوه ائتدی.
بؤلگهده گئچهن هفته تأثیرلی اولان شدتلی یاغیشلار، چیبیرا چایینین داشماسینا سبب اولموشدو.
تروپیک ایقلیم قورشاغیندا یئر آلان کونگو دموکراتیک جمهوریتی، یاغیش دؤورونده تئز تئز طبیعی فلاکتلرله قارشی قارشییا قالیر.
