نیویورکا سیچان سوروملوسو تعیین ائدیلدی

آمریکا بیرلشمیش دؤولتلرینین نیویورک شهرینه سیچانلارلا مباریزه‌دن مسئول یؤنه‌تیجی تعیین ائدیلدی.
نیویورک بلدیه باشقانی اریک آدامز، تعلیم بؤلومو چالیشانی کاتلین کورادینین نیویورک‌دا ساییلاری آرتان سیچانلارلا مباریزه اوچون وظیفه‌لندیریلدیگینی آچیقلادی.
رسمی عنوانی "شهر ایچینده گمیریجی آزالتما مودورو" اولان کورادی ایسه وظیفه‌یه دایر آچیقلاماسیندا،
"منی داها چوخ، سیچانلاری داها آز گؤرجکسینیز. قصبه‌ده یئنی بیر شریف وار" ایفاده‌لرینی ایشلتدی.
الده‌کی بیلگیلره گؤره نیویورک‌دا سیچان گؤرولمه نیسبتلری سون ایللرده آرتدی.
شهرده‌کی سیچان جمعیتی بیلینمه‌سه ده، ۲۰۱۴-جو ایلده ائدیله‌ن بیر آراشدیرما، سایینی ۲ میلیون اولاراق بیلدیرمیشدی.
نیویورک بلدیه باشقانی آدامز، سیچانلاری "۱ نؤمره‌لی دوشمن" اولاراق تانیملاییر.