د ویتامینی دمانسی اؤنله‌یه‌بیلر
د ویتامینی تقویه‌سی ایله دمانس آراسینداکی باغلانتینی آراشدیرماق آماجی ایله ۱۲ مین ایشتیراکچییلا چالیشما یئریدیلدی
د ویتامینی تقویه‌سی دمانسین اؤنله‌نمه‌سینده یاردیمچی اولابیلر.
آلزایمرز & دمنشا: دایگنوسس، آسساسمنت & دزیس مانیتورینگ درگیسینده یاییملانان آراشدیرمایا گؤره، د ویتامینی تقویه‌سی ایله دمانس آراسینداکی باغلانتینی آراشدیرماق آماجی ایله ۱۲ مین ایشتیراکچییلا چالیشما یئریدیلدی.
کانادا و اینگیلتره‌دن آراشدیرماچیلار، قاتیلیمچیلاردان د ویتامینی تقویه‌سی آلان ۴ مین ۶۳۷ نفرلیک قروپدا، تقویه آلمایان قروپا گؤره یوزده ۴۰ داها آز دمانس گؤرولدوگونو معین ائتدی.
ایشتیراکچیلارین ۲ مین ۶۹۶ نفرینده ۱۰ ایل ایچینده دمانس گلیشدیگی معین ائدیلرکه‌ن بو قروپداکی ۲ مین ۱۷ فرین دمانس تشخیصی قویولمادان اؤنجه هئچ د ویتامینی تقویه‌سی آلمادیغی، ۶۷۹ نفرینین ایسه چوخ آز تقویه آلدیغی ایفاده ائدیلدی.
کاناداداکی کلگری اونیوئرسیته‌سی هاچکیس بئیین انستیتوسو و اینگیلتره‌ده‌کی اکستر اونیوئرسیتهسیندن آراشدیرماچیلار، قایتیلیمچیلارین اورتالاما یاشینین ۷۱ اولدوغونو و آراشدیرمایا آلیندیقلاریندا دمانس تشخیصلرینین اولمادیغینی قید ائتدی.
آراشدیرماچیلاردان زاهینور اسماعیل، بیلیشسل (ادراکی) گئریله‌مه باشلامادان اؤنجه ائرکه‌ن د ویتامینی تقویه‌سی آلمانین فایدالی اولابیله‌جگینه ایشاره ائد‌ن دلیللر تاپدیقلارینی سؤیله‌دی.
اکستر اونیوئرسیتهسیندن بایرن کریس ده،
"بو آراشدیرما نتیجه‌سی، بیزه د ویتامینی تقویه‌سینین دمانسی اؤنله‌مه‌ده یا دا گئجیکدیرمه‌ده یارارلی اولابیله‌جگینه ایشاره ائدیر آنجاق ایندی بونو دقیقلشدیرمک اوچون کلینیک سیناقلار ائتمه‌لیییک" شکلینده دانیشدی.
ایلگیلی‌لی خبرلر
تورکیه‌ده شدتلی باغیشلار سببی ایله ۱۰ نفر حیاتینی ایتیردی
شانلی اورفا و آدی‌یامان‌دا میدانا گلن سئل سببی ایله ۱۰ نفر حیاتینی ایتیردی
