اندونزی‌ده باش وئرن زلزله‌ده اؤلو ساییسی آرتیر

باتی جاوه ایالتین‌ده باش وئره‌ن زلز‌له‌دن ایکی گون سونرا ۶ یاشلی بیر اوشاق ییخینتیلار آلتیندان چیخاریلدی

1910399
اندونزی‌ده باش وئرن زلزله‌ده اؤلو ساییسی آرتیر

اندونزی‌نین باتی جاوه ایالتین‌ده ۲۱ نوامبردا باش وئره‌ن ۵،۶ بؤیوکلوگونده‌کی زلزله‌ده حیاتینی ایتیره‌نلرین ساییسی ۲۷۱ نفره یوکسلدی.

اولوسال اولایلار یؤنه‌تیمی آژانسی باشقانی سوهاریانتو، ۲۱ نوامبردا اؤلکه‌نین باتی جاوه ایالتین‌ده باش وئره‌ن زلز‌له‌دن ایکی گون سونرا ۶ یاشلی بیر اوشاغین ییخینتیلار آلتین‌دان چیخاریلدیغینی آچیقلادی.

ایندییه قدر ۲۷۱ نفرین حیاتینی ایتیردییگ زلز‌له‌ده ان آز ۴۰ نفرین هله ده ایتکین اولدوغونو قید ائد‌ن سوهاریانتو، ۲ مین ۴۳ نفرین یارالاندیغینی بیلدیردی.

سوهاریانتو، اؤلنلردن ۱۰۰ نفرینین اوشاق اولدوغو دوغرولادی.

تخمیناً ۶۲ مین نفرین باریناقلاردا قالدیغینی بیلدیره‌ن سوهاریانتو، آختارما-قورتارما قروپلاری، پلیس و کؤنوللولره دستک اولماق اوچون زلز‌له‌نین باش وئردیگی بؤلگه‌یه ۱۲ مین اوردو پرسنلینین گؤندریلدیگینی قید ائتدی.

سوهاریانتو، زلزله نتیجه‌سینده سیانجوردا ۵۶ مین ۲۳۰دان چوخ ائوده خسارت اولوشدوغونو، ۳۱ اوخول داخیل اولماقلا ۱۷۰دن چوخ دؤولت بیناسینین ضرر گؤردوگونو آچیقلادی.



ایلگیلی‌لی خبرلر