آوروپادا یای مؤوسومونده ایستی هاوادان اؤلن‌لرین سایی آچیقلانیب

دونیا ساغلیق تشکیلاتی‌نین (اوست) آوروپا مودیری هانس کلوگه آوروپادا ایستی هاوا دالغا‌لاری ایله باغلی ایستاتیستیکلری پایلاشیب.

1904064
آوروپادا یای مؤوسومونده ایستی هاوادان اؤلن‌لرین سایی آچیقلانیب

آوروپادا یای مؤوسومونده تأثیرلی اولان ایستی هاوا شرایطیندن ان آز 15 مین اینسان حیاتینی ایتیریب.

دونیا ساغلیق تشکیلاتی‌نین آوروپا مودیری هانس کلوگه آوروپادا ایستی هاوا دالغا‌لاری ایله باغلی ایستاتیستیکلری پایلاشیب.

هانس کلوگه "اؤلکه‌لرین پایلاشدیغی معلومات‌لارا گؤره، 2022-جی ایلده ایستی هاوا‌لار سببیندن ان آزی 15 مین اینسان حیاتینی ایتیریب" دئییب.

ایسپانیادا ایستی هاوا شرایطی‌نین تخمینن 4 مین اینسانین اؤلومونه سبب اولدوغونو بیلدیرن هانس کلوگه عینی سبب‌دن پورتوقالیادا 1000، اینگیلتره-‌ده 3 مین 200، آلمانیادا ایسه 4 مین 500 آدامین حیاتینی ایتیردیگینی قئید ائدیب.

هانس کلوگه خبردارلیق ائدیب کی، تأثیرلی تدبیرلر گؤرولمه‌سه، ایستی هاوا شرایطی و حدین‌دن آرتیق ایستی هاوا گله‌جک ایللرده داها چوخ اؤلومه سبب اولا‌جاق.



ایلگیلی‌لی خبرلر