کیشیلر، قادینلاردان داها تئز قوجالیر

کیشیلرین بیولوژیک اولاراق قادینلاردان داها تئز قوجالدیغی اورتایا چیخدی.

فنلاندین ژیواسکیلا اونیوئرسیته‌سینده آپاریلان آراشدیرمادا، آراشدیرماچیلار، ۵۰ یاشلاریندا اولان کیشیلرین بیولوژیک اولاراق عینی یاشداکی قادینلاردان اورتالاما ۴ یاش داها بؤیوک اولدوغونو معین ائتدی.

کیشیلرین بیولوژیک اولاراق داها سرعتلی یاشلانماسی، داها چوخ سیگار چکمه‌لری و بد‌ن قورولوشلارینین داها بؤیوک اولماسی ایله آچیقلاندی.

آراشدیرمادا، کیشیلر و قادینلار آراسیندا بیولوژیک یاشلانمادا فرقلیلیک اولوب اولمادیغینی و بو فرقلیلیکلرین حیات طرزی ایله باغلانتیسی آراشدیریلدی.

بیولوژیک قوجالمانی اؤلچمک اوچون، فردین حیاتی بویو یاشام سۆره‌سی ایله باغلی عامللری آراشدیرماغا ایمکان وئره‌ن "اپی‌ژنتیک ساعاتلار"دان ایستیفاده ائدیلدی.

چالیشمانین باش یازاری آنا کانکانپا،

"آراشدیرمامیزدا چوخ نادیر بیر چالیشمادان ایستیفاده ائتدیک و قارشی جینسدن اولان اکیزلر آراسینداکی قوجالما نیسبتینی ده مقایسه ائتدیک. بنزر بیر فرقلیلیک بو اکیزلر آراسیندا دا گؤرولدو. قارداش، بیولوژیک اولاراق باجیسین‌دان تخمیناً بیر یاش بؤیوک ایدی" دئدی.

آراشدیرمادا؛ تحصیل، بدن کوتله‌سی اندکسی، سیگار و الکل ایستیفاده‌سی ایله فیزیکی فعالیت کیمی حیات طرزی ایله باغلی فاکتورلاری، آنکتلر واسطه‌سیله اؤلچولدو.