آوروپا اؤلکه‌لرینده میمون چیچگینه یولوخما حال‌لاری

آوروپا اؤلکه‌لرینده میمون چیچگینه یولوخان‌لارین سایی 17 مین 509 نفر اولوب.

آوروپا خسته‌لیک‌لرین قارشی‌سی‌نین آلینماسی و نظارتی مرکزی (ECDC) و دونیا ساغلیق تشکیلاتی‌نین (DSÖ) بیرگه آراشدیرماسینا گؤره، آوقوستون 9-دا آوروپانین 35 اؤلکه‌سینده آشکار ائدیلن 17 مین 509 میمون چیچگی خسته‌لیگی‌نین 99 فایزی کیشی‌لرده گؤرولوب.

خسته‌لیک‌لرین 40 فایزی 31-40، 24 فایزی 41-50، 23 فایزی ایسه 18-30 یاش آراسی اینسان‌لاردا آشکار ائدیلیب.

ایسپانیا، آلمانیا، بؤیوک بریتانیا و فرانسا-دا 13 میندن چوخ یولوخما فاکتی باش وئریب. اکثر حال‌لار ایسپانیادا معین ائدیلیب. بو اؤلکه‌ده میمون چیچگینه یولوخان‌لارین سایی‌نین 5 مین 162، آلمانیادا 2 مین 982، اینگیلتره‌ده 2 مین 973، فرانسادا ایسه 2 مین 423 اولدوغو قئید ائدیلیب.

خسته‌لرین اکثریتینده سپگی یاخود سپگی ایله یاناشی یوکسک حرارت، یورغونلوق، عضله و باش آغریسی موشاهیده ائدیلیب.

بیلدیریلیب کی، ویروسا یولوخموش 544 نفر خسته‌خانایا چاتدیریلیب، 163 نفر خسته‌خانادا معالیجه اولونوب، 3 نفر ایسه آی سی یودا ساخلانیلیب. آی سی یویا یئرلشدیریلن‌لردن 2-نین دونیاسینی دییشدیگی آچیقلانیب.