کروناویروسا یولوخما حاللاری سون ۷ هفته‌ده ایلک دفعه آزالدی
سون بیر هفته‌ده ۱۴ مین اؤلوم و ۶،۵ میلیون یئنی یولوخما قیده آلیندیغی حالدا، توپلام اؤلوم ساییسی ۶،۳ میلیون، یولوخما ساییسی ایسه ۵۷۴ میلیون اولدو
دونیادا یئنی نسیل کوروناویروسا یولوخما حاللارینین آرتیشی سون ۷ هفته‌ده ایلک دفعه آزالدی.
دونیا ساغلیق هؤرگوتونون هفته‌لیک "کووید-۱۹" یئنیلمه راپوروندا یولوخما رقملرینه دایر سون وضعیتله باغلی بیلگیلر پایلاشیلدی.
راپورا گؤره، ۲۵-۳۱ جولای تاریخلرینده کوروناویروسا یولوخما نیسبتی اؤنجه‌کی هفته‌یه گؤره یوزده ۹ آزالدی. بئله‌لیکله، ۷ هفته‌دن سونرا ایلک دفعه یولوخمالارین ساییسین‌دا اؤنملی آزالما گؤرولدو.
"کووید-۱۹" سببیله جان ایتکیسینین آرتیشی اؤنجه‌کی هفته ایله مقایسه‌ده ثابت قالدی.
سون بیر هفته‌ده ۱۴ مین اؤلوم و ۶،۵ میلیون یئنی یولوخما قیده آلیندیغی حالدا، توپلام اؤلوم ساییسی ۶،۳ میلیون، یولوخما ساییسی ایسه ۵۷۴ میلیون اولدو.
کوره‌سل "کووید-۱۹" یولخوما حاللاری ژوئن آییندان بری آردیجیل ۵ هفته آرتدی و ۱۱ جولایدان ۲۵ جولایا دک عینی سرعتله ایر‌لیله‌دی.
دونیا ساغلیق هؤرگوتو مسئوللاری، یولخوما ساییسینین آرتماسینی یای مؤوسومونون باشلاماسی ایله اولوسلارآراسی حرکتلیلیگین آرتماسی، "کووید-۱۹" تدبیرلرینین اؤلکه‌لر طرفیندن یومشالدیلماسی و ب‌آ.۴ و ب‌آ.۵ آلت واریانتلارینین سرعتله یاییلماسینا باغلاییر.
ایلگیلی‌لی خبرلر
لاتین امریکا اؤلکه لرینده کووید-19-دان اؤلنلرین سایی 390 نفره چاتیب
لاتین امریکا اؤلکه لرینده گون عرضینده یئنی نوع کوروناویروس‌دان اولن لرین سایی 390 نفره چاتیب.
شدتلی یاغیشلار ان آز ۹ نفرین اؤلومو ایله نتیجه‌لندی
سئول‌داکی یاغیشین سون ۱۱۵ ایلین ان گوجلو یاغیشی اولدوغونو بیلدیریلیر
