امریکا-دا ایکی ایالتده فوق العاده وضعیت اعلان ائدیلیب

امریکانین کالیفرنیا و ایلینوی ایالت لرینده میمون چیچگی ویروسونا یولوخما حال‌لاری‌نین آرتماسی ایله علاقه‌دار فوق العاده وضعیت اعلان ائدیلیب.

1863237
امریکا-دا ایکی ایالتده فوق العاده وضعیت اعلان ائدیلیب

امریکانین کالیفرنیا و ایلینوی ایالت لرینده میمون چیچگی ویروسونا یولوخما حال‌لاری‌نین آرتماسی ایله علاقه‌دار فوق العاده وضعیت اعلان ائدیلیب.

کالیفرنیا والیسی گاوین نیوسام والیلیگین اینترنت سایتیندا وئردیگی آچیقلامادا میمون چیچگی ویروسونون سرعتله یاییلماسی ایله علاقه‌دار سانفرانسیسکودا اعلان ائدیلن فوق العاده وضعیتدن سونرا ایالتده عمومی فوق العاده وضعیت اعلان ائدیلدیگینی بیلدیریب.

نیوسام داها چوخ آشی تداروکو و ریسکین آزالدیلماسی ایله باغلی آگاهینی آرتیرماق اوچون فدرال حکومتله ایشلمه‌یه داوام ائده‌جک‌لرینی قئید ائتدی.

کالیفرنیا ساغلیق یئتکیلیلری ایالتده 800-ا یاخین میمون چیچگی حادثه‌سی‌نین قئیده آلیندیغینی آچیقلادی.

ایلینویز ایالتی‌نین والیسی جی رابرت پریتزکر فوق العاده وضعیت قراری‌نین "یولوخمانین قارشی‌سینی آلماق اوچون بوتون مؤوجود خالق ساغلیغی قایناق لارینین تام سفربر ائدیلمه‌سینی طلب ائتدیگینی، ایالتین خالق ساغلیغی ایداره سینه آشی لاری چات‌دیرماق و ویروس حاقیندا بیلگیلندیرمه مسئله سینده تام صلاحیت وئرجگینی" سؤیله‌ییب.

قئید ائدک کی، نیویورک ایالتینده و سانفرانسیسکودا میمون چیچگی حال‌لاری‌نین آرتماسی سببین‌دن یولون 30-دا امریکا-دا ایلک دفعه فوق العاده وضعیت اعلان ائدیلیب.



ایلگیلی‌لی خبرلر