کوروناویروسدان اؤلنلرین ساییسی آرتابیلر
"بوتون اؤلکه‌لر حاضر اولمالی‌دیر. سالقین ایله موباریزه ایمکانلارینی آزالدان اؤلکه‌لر جدی ریسک آلتیندادیر"
دونیادا یئنی نسیل کوروناویروس (کووید-۱۹) سالقینینا یولوخانلارین ساییسین‌دا آرتیش گؤرولدوگو اوچون قارشیداکی هفته‌لرده سالقیندان اؤلنلرین ساییسینین آرتابیله‌جگی ایله باغلی اویاری وئریلدی.
دونیا ساغلیق هؤرگوتو باش مودورو تدروس آدهانوم گبریسوس هؤرگوتون ژنو‌ده‌کی مرکزینده گئچیریله‌ن مطبوعات کنفرانسیندا یئنی نسیل کوروناویروسلا باغلی سون وضعیتی دگرلندیردی.
سون آلتی هفته‌ده یئنی نسیل کوروناویروسا یولوخانلارین ساییسینین ایکی قات آرتدیغینی وورغولایان گبریسوس: "کووید-۱۹ خسته‌لیگینه یولوخانلارین ساییسین‌دا آرتیش گؤرونور. بو او دئمکدیر کی، قارشیداکی هفته‌لرده ویروس‌دان اؤلنلرین ساییسی و بو سببدن خسته‌خانایا یئرلشدیریلنلرین ساییسی آرتابیلر" دئدی.
کووید-۱۹ون یئنی واریانتینین اؤنجه‌کی‌لردن داها گوجلو و تأثیرلی اولاجاغینی وورغولایان گبریسوس:
"بوتون اؤلکه‌لر حاضر اولمالی‌دیر. سالقین ایله موباریزه ایمکانلارینی آزالدان اؤلکه‌لر جدی ریسک آلتیندادیر" دئیه دانیشدی.
گبریسوس آیریجا:
"خسته‌خانالار هله دولو اولماسا دا، ایندی بوتون اؤلکه‌لرین ویروس تعقیب، باغیشیقلیق، ایش گوجو و تجهیزات ساحه‌سینده‌کی بوشلوقلاری دولدورماسینین واختی‌دیر" ایفاده‌لرینی ایشلتدی.
