آلمانیا: بنزینلی و یا دیزل اتومبیل ساتیشی ایله باغلی پلان یانلیشدیر

آلمانیانین مالیه باخانی کریستین لیندنر، آوروپا بیرلیگینین، یئنی بنزین و دیزل ایله ایشله‌یه‌ن اتوموبیللرین ساتیشینی ۲۰۳۵.جی ایلده‌ن اعتباراً قاداغان ائد‌ن یاسال دۆزنله‌مه‌سینی قبول ائتمه‌یه‌جکلرینی بیلدیردی.

کریستیان لیندنر، آلمان صنایع گونو چرچیوه‌سینده گئچیریله‌ن توپلانتیدا، آوروپا بیرلیگینین  عضو اؤلکه‌لرده ۲۰۳۵د‌ن اعتباراً یئنی بنزینلی و یا دیزل اتومبیل ساتیشی ایله باغلی پلانینین "یانلیش" اولدوغونو ادعا ائتدی.

لیندنر، آلمانیا حکومتینین آوروپا بیرلیگینین بو یاساسینی قبول ائتمه‌یه‌جگینی بیلدیردی.

آوروپا کمیسیونو، آوروپا یاشیل آنلاشماسینین بیر پارچاسی اولان و  یایینیملاری (انتشار قابلیتی) ۲۰۳۰.جو ایله قدر ان آز یوزده ۵۵ آزالتماغی هدفله‌یه‌ن "فیت فور ۵۵" پاکتی چرچیوه‌سینده، ۲۰۳۵.جی ایلده‌ن اعتباراً ساتیلاجاق یئنی اتومبیل و یونگول تجاری واسطه‌لرینین صیفیر یایینیملی اولماسینی اؤنرمیشدی.

بونا گؤره، آوروپابیرلیگی اؤلکه‌لرینده سؤزو گئدن تاریخ‌ن اعتباراً یئنی بنزینلی و یا دیزل اتومبیل ساتیشی ائدیلمه‌یه‌جک.

آوروپا پارلمانی، آوروپابیرلیگی اؤلکه‌لرینده، یئنی بنزینلی و یا دیزل اتومبیللرین ساتیشلارینین ۲۰۳۵.جی ایلده‌ن اعتباراً قاداغان ائدیلمه‌سینی نظرده توتان قانون لایحه‌سینی ۸ ژوئنده دستکله‌دی. بو مرحله‌دن سونرا آوروپا پارلمانی ایله عضو دؤولتلر آراسیندا یاسا ایله باغلی دانیشیقلار آپاریلاجاق.

آوروپابیرلیگی، ۲۰۵۰.جی ایله قدر بوتون بؤلوملرین و آراجلارین  صیفیر یایینیملی اولماسینی هدفله‌ییر.