میمون چیچگی بلژیک‌ده ده گؤرولدو

ایلک دفعه ۷ می‌ده اینگیلتره‌ده گؤروله‌ن میمون چیچگی ویروسو سون ۲ هفته‌ده آوروپانین ۷ اؤلکه‌سینه یاییلدی

1829718
میمون چیچگی بلژیک‌ده ده گؤرولدو

بلژیک‌ده میمون چیچگی ویروسونا ایلک یولوخما حالی ثبت ائدیلدی.

وی‌آرتی تلویزیونونا دانیشان آنتورپ تروپیک ساغلیق انستیتوسو مسئوللاریندان ایسابل بروسیوس، وضعیتی آغیر اولمایان خسته‌نین یولداشینین دا عینی سمپتوملاری گؤستردیگینی و یاخیندا ایکینجی یولوخما اولقوسونون دا ثبت ائدیله‌جگینی گؤزله‌دیکلرینی سؤیله‌دی.

بروسیوس، ویروسون یولوخابیلمه‌سی اوچون یاخین و داواملی تماسین لازیم اولدوغونو و گئنیش یاییلما گؤزله‌مه‌دیکلرینی بیلدیردی.

ایلک دفعه ۷ می‌ده اینگیلتره‌ده گؤروله‌ن میمون چیچگی ویروسو سون ۲ هفته‌ده آوروپانین ۷ اؤلکه‌سینه یاییلدی، کانادادا ایسه ۱۷ شبهه‌لی اولقو وار. اینگیلترده‌ده یولوخما ساییسی ۹ نفره یوکسلیرکن، ایسپانیادا ۷، پرتغالدا ۵، ایتالیا، سوئد و آمریکادا هر بیرین‌ده ۱ یولوخما حالی ثبت ائدیلدی.

اندمیک بیر ویروسون یاراتدیغی نادیر خسته‌لیکلردن بیری کیمی تانینان میمون چیچگی، کونگو و باتی آفریقا نؤوعو اولاراق ایکییه آیریلیر.

ویروسون کونگو تیپینین یوزده۱۰-آ قدر اؤلوم ریسکی وارکن، باتی آفریقا نؤوعونون ایسه هر ۲ خسته‌دن بیرینده یوزده ۱ اؤلوم نیسبتبنه صاحیب اولدوغو بیلینیر.

عمومیتله حیوان‌دان اینسانا، نادیر حاللاردا ایسه اینسان‌دان اینسانا یاخین تماسلا بولاشان ویروس، بدن‌ده یوکسک قیزدیرما و قاشینتیلی قابارجیقلارا سبب اولابیلیر.



ایلگیلی‌لی خبرلر