تهراندا اوخوللار بو گون ده تعطیل ائدیلدی
هاوا چیرکلیلیگینین یوکسک سویهلرده اولماسی سببی ایله دونن تهران ایالتینده بوتون اوخول، اداره و اونیوئرسیتهلر تعطیل ائدیلمیشدی
ایرانین باشکندی تهراندا هاوانین چیرکلیلیگی سببی ایله ایلک و اورتا اوخوللار بو گون ده تعطیل ائدیلدی.
ایران مطبوعاتینا گؤره، تهران بلدیه باشقانی یاردیمچیسی عابد ملکی، هاوا چیرکلیلیگی و گؤرولهن تدبیرلرله باغلی آچیقلامالار وئردی.
ملکی، هاوانین چیرکلیلیگی عاجل دوروم چالیشما قروپونون توپلانتیسینا توخوناراق،
"توزون گلیشی و هاوا چیرکلیلیگی شاخصینین یوکسلمهسی نتیجهسینده یارانان ساغلیقسیز شرایط سببی ایله بو گون تهران ایالتینده بوتون اوخوللار تعطیل اولاجاق، آنجاق اونیوئرسیته و قوروملار آچیق اولاجاق" دئدی.
هاوا چیرکلیلیگینین یوکسک سویهلرده اولماسی سببی ایله دونن تهران ایالتینده بوتون اوخول، اداره و اونیوئرسیتهلر تعطیل ائدیلمیشدی.
شهرین هاوا سیرکولاسیونونا اویغون اولمایان قونومو و جمعیتین چوخلوغونون یانی سیرا اسکی مدل اتومبیللر ایله چوخ ساییدا موتورسیکلتلرین توستوسو، تهراندا هاوانین چیرکلهنمهسینی آرتیران عامللر آراسیندا گؤستریلیر.
دونیاداکی هاوا چیرکلیلیگی سیرالاماسیندا ایلک ۳ شهر آراسیندا یئر آلدیغی بیلدیریلهن تهراندا، اوخوللار بو سببله تئز تئز تعطیل ائدیلیر.