تهران‌دا هاوا چیرکلیلیگی سببی ایله اوخوللار تعطیل ائدیلدی

"تهران‌داکی بوتون قوروملارین، اونیوئرسیته‌لر داخیل، بوتون یاش قروپلاری اوچون اوخوللارین باغلانماسی قراری آلیندی"

1828119
تهران‌دا هاوا چیرکلیلیگی سببی ایله اوخوللار تعطیل ائدیلدی

ایرانین باشکندی تهران‌دا هاوا چیرکلیلیگینین یوکسک سویه‌لره گلمه‌سی سببی ایله بوتون اوخوللار و دؤولت قوروملاری تعطیل ائدیلدی.

ایران مطبوعاتینا گؤره، تهران بلدیه باشقان یاردیمچیسی عابد ملکی شهرده‌کی هاوا چیرکله‌نمه سویه‌سی و گؤروله‌ن تدبیرلرله باغلی آچیقلامالار وئردی.

 ملکی،

"هاوا چیرکلیلیگی عاجل دوروم کمیته‌سی، سون درجه ساغلیقسیز شرایط سببی ایله توپلاندی. چرشنبه آخشامی هاوانین چیرکله‌نمه‌سی داها دا گوجلنه‌جک. بو سببدن تهران‌داکی بوتون قوروملارین، اونیوئرسیته‌لر داخیل، بوتون یاش قروپلاری اوچون اوخوللارین باغلانماسی قراری آلیندی" ایفاده‌سینی ایشلتدی.

تهران والیسی، بحران یؤنتیمی باش مودورو حامد یزدی مهر ده:

"هاوا قورومونا گؤره، تهران‌دا نارینجی (حساس) وضعیت اورتایا چیخدی. بیز تهران اهالیسینی، اؤزللیکله حساس قروپلاری بو گون و یارین ائولریندن چیخماماغا چاغیریریق" دئدی.

شهرین هاوا سیرکولاسیونونا اویغون اولمایان قونومو و جمعیتین چوخلوغونون یانی سیرا اسکی مدل اتومبیللر ایله چوخ ساییدا موتورسیکلتلرین توستوسو، تهران‌دا هاوانین چیرکله‌نمه‌سینی آرتیران عامللر آراسیندا گؤستریلیر.

دونیاداکی هاوا چیرکلیلیگی سیرالاماسیندا ایلک ۳ شهر آراسیندا یئر آلدیغی بیلدیریله‌ن تهران‌دا، اوخوللار بو سببله تئز تئز تعطیل ائدیلیر.



ایلگیلی‌لی خبرلر