۱۵ میلیون جان ایتکیسی کووید-۱۹ ایله باغلانتیلی
جان ایتکینلرینین جینسیت داغیلیمیندا کیشیلر توپلام سایینین یوزده ۵۷سینی، قادینلار ایسه یوزده ۴۳ونو اولوشدورور
دونیا ساغلیق هؤرگوتو، ۲۰۲۰ و ۲۰۲۱ده گؤروله‌ن تخمیناً ۱۵ میلیون جان ایتکی‌سینین یئنی نسیل کوروناویروس (کووید-۱۹) ایله بیر باشا و یا دولاییلی باغلانتسی اولدوغونو آچیقلادی.
دونیا ساغلیق هؤرگوتوندن وئریله‌ن یازی‌لی آچیقلامادا، سون ایکی ایلده کووید-۱۹ قایناقلی "علاوه اؤلوم نیسبتی" حسابلاماسینین نتیجه‌لری پایلاشیلدی.
علاوه اؤلوم نیسبتینین، دوغرودان کووید-۱۹ قایناقلی اؤلوملرین یانیندا ویروسون ساغلیق سیستمی و توپلوما منفی تأثیرلرین‌دن اؤترو آغیرلاشان و یا معالیجه‌سی چتینلشه‌ن خسته‌لیکلردن قایناقلانان اؤلوملرین ده داخیل ائدیله‌رک حسابلاندیغی بیلدیریلدی.
حسابلامایا گؤره، ۱ ژانویه ۲۰۲۰دن ۳۱ دسامبر ۲۰۲۱ه قدر دونیادا کووید-۱۹، دوغرودان و دولاییلی اولاراق توپلام ۱۳،۳ میلیون ایله ۱۶،۶ میلیون آراسیندا اؤلومه یول آچدی.
علاوه اؤلوملرین یوزده ۸۴و دونیا ساغلیق هؤرگوتونون گونئی دوغو آسیا، آوروپا و آمریکا بؤلگه‌لرینده معین اولونارکه‌ن، توپلام جان ایتکیسی ساییسینین یوزده ۶۸ی یالنیز ۱۰ اؤلکه‌ده گؤرولدو.
توپلام علاوه اؤلوم ساییسینین یوزده ۸۱ینی اورتا گلیرلی، یوزده ۴ونو آشاغی و یوزده ۱۵ینی یوکسک گلیرلی اؤلکه‌لر اولوشدوردو.
جان ایتکینلرینین جینسیت داغیلیمیندا کیشیلر توپلام سایینین یوزده ۵۷سینی، قادینلار ایسه یوزده ۴۳ونو اولوشدورور.
ایلگیلی‌لی خبرلر
روسیه‌ده داشقینلار و سولار آلتیندا قالان ائولر
سو آلتیندا قالان ائولرین سایی 15 مین 641-ه یوکسلرکن، باغچالارین سایی 4 مین 13-ه چاتیب
