دوغو آفریقادا قیتلیق ریسکی

دونیا غذا پروگرامی دوغو آفریقا بؤلگه مودورو، بؤلگه‌ده ۳ مؤوسوم بویونجا یاغیش یاغمادیغینا و قوراقلیغین داوام ائتمه‌سینین ۲۰ میلیون نفره تأثیر ائده‌بیله‌جگینه دقت چکدی

1816186
دوغو آفریقادا قیتلیق ریسکی

دوغو آفریقا اؤلکه‌لرینین قوراقلیق سببیله قیتلیق ریسکی ایله قارشی قارشییا اولدوغو اویاریسی ائدیلدی.

بیرلشمیش میللتلر دونیا غذا پروگرامی دوغو آفریقا بؤلگه مودورو میشل دانفورد، ویدئو کنفرانس یولویلا تشکیل ائتدیگی مطبوعات کنفرانسیندا، بؤلگه‌ده ۳ مؤوسوم بویونجا یاغیش یاغمادیغینا و قوراقلیغین داوام ائتمه‌سینین ۲۰ میلیون نفره تأثیر ائده‌بیله‌جگینه دقت چکدی.

دوغو آفریقانین قوراقلیق ریسکی ایله قارشی قارشییا اولدوغونو ایفاده ائد‌ن دانفورد، بؤلگه‌ده ۸۱ میلیون نفرین غذا گوونلیگینین اولمادیغینی سؤیله‌دی.

میشل دانفورد، سومالی‌ده قوراقلیغین تخمیناً ۶ میلیون نفره تأثیر ائتدیگینی و حاضردا ۱،۴ میلیون نفرین عاجل کؤمگه احتیاج دویدوغونو وورغولایاراق، اتیوپیده ۷ میلیون نفرین، کنیادا ایسه ۳،۵ میلیون نفرین قوراقلیقدان ائتکیلندیگینی ایفاده ائتدی.

۲۴ فوریه‌ده باشلایان اوکراینا- روسیا ساواشینین تاثیرلرینین ده بؤلگه‌ده حس ائدیلدیگینی و غذا قیمتلرینین یوزده ۲۳ آرتدیغینی سؤیله‌یه‌ن دانفورد، بو آرتیشین اتیوپیده یوزده ۶۶، سومالی‌ده ایسه یوزده ۳۶ اولدوغونو بیلدیردی.

دانفورد، دونیا غذا پروگرامینین دوغو آفریقایا کؤمک اوچون ۶ آی بویونجا ۳۲۷ میلیون دلارا احتیاج دویدوغونو آنجاق بونون یالنیز ۶۴ میلیونونون توپلانابیلدیگینی قید ائتدی.



ایلگیلی‌لی خبرلر