چین‌ده جمعیت آرتیش سرعتی دۆشدو

اؤلکه‌ده دوغوم نسبتی مینده ۷،۵۲، اؤلوم نیسبتی مینده ۷،۱۸ اولورکن، جمعیت آرتیش سرعتی مینده ۰،۳۴ده قالدی

1763833
چین‌ده جمعیت آرتیش سرعتی دۆشدو

چین‌ده جمعیت آرتیش سرعتی ۱۹۶۰.جی ایللرین اوللرین‌ده ۳۰ میلیون اینسانین اؤلدویو قیتلیق‌دان بری ان آشاغی سویه‌یه دۆشدو.

ملی استاتیستیک اداره‌سی بیلگیلرینه گؤره، چین‌ آنا تورپاغیندا‌کی ۳۱ ایالت و بؤلگه‌نین جمعیتی ۲۰۲۰.جی ایلده توپلام ۴۸۰ مین نفر آرتاراق ایلین سونون‌دا تخمیناً ۱ میلیارد ۴۱۲ میلیون ۶۰۰ مین نفره چاتدی.

اؤلکه‌ده دوغوم نسبتی مینده ۷،۵۲، اؤلوم نیسبتی مینده ۷،۱۸ اولورکن، جمعیت آرتیش سرعتی مینده ۰،۳۴ده قالدی.

آرتیش سرعتی، چین خالق جمهوریتینین قوروجوسو مائو تسه‌تونگ رهبرلیگینده حیاتا گئچیریلدیگی «بؤیوک سیچراییش» دؤونمیندن بری گؤرولن ان دوشوک آرتیش اولموشدو.

سؤزوگئدن سیاستین حیاتا گئچیریلدیگی ۱۹۵۸-۱۹۶۲ دؤنمینده باش وئره‌ن قیتلیق نتیجه‌سین‌ده ۳۰ میلیونا یاخین اینسان حیاتینی ایتیرمیش، بو ندنله جمعیت آرتیش سرعتی ۱۹۶۰دا، مینده ۴،۵ رقمینه ائنمیشدی.


اتیکتلر: #مائو , #جمعیت , #چین

ایلگیلی‌لی خبرلر