آوروپادا اومیکرون سونامیسی
سون ۷ گونده گؤرولن اولقو و اؤلوم آرتیشلاری، بیر اؤنجهکی ۷ گونله مقایسه ائدیلدی
یئنی نسیل کوروناویروسون اومیکرون واریانتینین تأثیرینی گئدهرک آرتیردیغی آوروپا اؤلکهلرینین بؤیوک اکثریتینده سون بیر هفتهدهکی اولقو ساییلاری، بیر اؤنجهکی هفتهیه مقایسهده یوزده ۱۰۰ آرتدی.
دونیادان کووید-۱۹ اولقولارینین رقملرینین یئر آلدیغی worldometers.info اینترنت سایتیندا، بؤلگه اؤلکهلرینده ۳۰ دسامبردان اعتباراً سون ۷ گونده گؤرولن اولقو و اؤلوم آرتیشلاری، بیر اؤنجهکی ۷ گونله مقایسه ائدیلدی.
سون بیر هفتهدهکی اولقو آرتیش نیسبتینین هاراداسا بوتون قاره اؤلکهلرینده یوکسلدیگی گؤرولدو.
دونیا ساغلیق هؤرگوتو باش مودورو تدروس آدهانوم، ایلین سونوندا وئردیگی آچیقلامادا، اومیکرون واریانتینین "سونامی" تأثیری میدانا گتیرمهسیندن بؤیوک قایغی دویدوغونو ایفاده ائتمیشدی.
آدهانوم، بوتون دونیادا سرعتله یاییلان اومیکرونون، سرعتلی یولوخوجولوغو و دلتا واریانتی ایله عینی آندا دولاشیمدا اولماسی سببیله دونیادا اولقو ساییلارینین آرتاجاغی اویاریسی ائتمیشدی.