زلنسکی: اولوسلارآراسی ایلیشکیلرده بیر کورهسل ایستیلشمهیه احتیاج وار
"آوروپانین مرکزینه دونباس و ایشغال ائتدیلن قیریم اولاراق ایکی ائکولوژیک بومبا دوشدو"
اوکراینا پرزیدنتی ولادیمیر زلنسکی دونباس و قیریمین آوروپانین مرکزینده ایکی ائکولوژیک بومبا اولدوغونو دئدی.
زلنسکی اسکاتلندین گلاسگو شهرینده گئچیریلهن ۲۶.جی بیرلشمیش میللتلر ایقلیم دییشیکلیگی کنفرانسیندا دانیشدی.
اوکراینانین آوروپادا پاریس آنلاشماسینی ایمضالایان ایلک اؤلکهلردن بیری اولدوغونو دئیهن زلنسکی، هدفلرینین ۲۰۳۰.جو ایله قدر گولخانا گازی یایینیمنی یوزده ۶۵ آزالتماق اولدوغونو بیلدیردی.
زلنسکی کورهسل ایستیلشمهنین اۆستهسیندن گلمک اوچون "گوونین هر ایل بیر آز داها آزالدیغی اولوسلارآراسی ایلیشکیلرده بیر کورهسل ایستیلشمهیه احتیاج اولدوغونو» وورغولادی.
۱۹۹۴.جو ایلده اوکراینانین یئرینه یئتیریلمهین بعضی گوونلیک ضمانتلری آلدیغینی خاطیرلادان زلنسکی،
"آوروپانین مرکزینه دونباس و ایشغال ائتدیلن قیریم اولاراق ایکی ائکولوژیک بومبا دوشدو" دئدی.
زلنسکی تایسیز فلورایا صاحب قیریمین روسیا حربی دنیز مرکزینه چئوریلدیگینی و دونباسین بعضی بؤلگهلرینین مینلرله دولدوغونو قید ائدرک، بو وضعیتین بوتون دونیا اوچون تهلوکه اولدوغونو بیلدیردی.