طالبان، اوشاق فلجی آشیلاما ایشینین داوام ائتمهسینی قبول ائتدی
بیرلشمیش میللتلر اوشاقلارا یاردیم صاندیغی و دونیا ساغلیق هؤرگوتو طالبانین قرارینی سئوینجله قارشیلادی
بیرلشمیش میللتلر تشکیلاتی، طالبانین، افغانیستاندا اوشاق فلجی آشیلاما کمپینینین داوام ائتدیریلمهسینی اونایلادیغینی آچیقلادی.
بیرلشمیش میللتلر باش کاتیب سؤزچوسو استفان دوجاریک گوندهلیک مطبوعات توپلانتیسیندا بو اؤلکهدهکی اوشاق فلجی آشی کمپینینین ۸ نوامبردا باشلایاجاغینی سؤیلهدی.
بیرلشمیش میللتلر اوشاقلارا یاردیم صاندیغی (یونیسف) و دونیا ساغلیق هؤرگوتو طالبانین قرارینی سئوینجله قارشیلادی.
یونیسفدن وئریلهن آچیقلامادا، ۳ ایلدن سونرا اوشاق فلجی آشیسی کمپینینین یئنیدن باشلایاجاغی و ۳.۳ میلیوندان چوخ اوشاغا وورولاماسینین هدفلندیگی بیلدیریلدی.
یونیسفین افغانیستان نمایندهسی هرو لودویک دی لیس ده، بو قرارین اوشاق فلجینین یوخ ائدیلمهسینده بؤیوک بیر آددیم اولدوغونو و اؤلکهدهکی بوتون اوشاقلاری آشیلاماغی هدفلدیکلرینی ایفاده ائتدی.
ایلگیلیلی خبرلر
روسیهده داشقینلار و سولار آلتیندا قالان ائولر
سو آلتیندا قالان ائولرین سایی 15 مین 641-ه یوکسلرکن، باغچالارین سایی 4 مین 13-ه چاتیب