هر گون تخمیناً ۵۲ نفره "اچآیوی" بولاشیر
سون زامانلاردا هر ۵ اچآیوی اولقوسوندان بیری ۱۵-۲۴ یاش آراسی گنجلرده گؤرولور
باتی آفریقا اؤلکهسی غنادا هر گون تخمیناً ۵۲ نفره "اینسان باغیشیقلیق چاتیشمازلیغی ویروسو (اچآیوی)" بولاشدیغی آچیقلاندی.
غنا ایدز (قازانیلمیش باغیشیقلیق یئترسیزلیگی سندرومو) کمیسون مودورو دکتر کایرمه آتاهنه، وئردیگی آچیقلامادا، اؤلکهده هر گون ۵۲ نفرین داها اچآیوی آلدیغینی بیلدیررک، گئچهن ایل اؤلکهده ۳۴۶ مین ۱۲۰ نفرین اچآیوی تستینین مثبت چیخدیغینی سؤیلهدی.
غنادا بیر چوخپ اینسانین اچآیوی/ایدز تستی وئرمکدن قورخدوغونو دیله گتیرهن آتاهنه، بو سببله اؤلکهده ۱۴۲ میندن چوخ اینسانین ایسه ویروسو داشیدیغینی بیلمهدیگینی ایفاده ائتدی.
آتاهنه، سون زامانلاردا هر ۵ اچآیوی اولقوسوندان بیرینین عمومیتله ۱۵-۲۴ یاش آراسی گنجلر اولدوغونون وورغولایاراق،
"بو وضعیته آتا-آنالارین، اوشاقلارینا بو یاشدا نهلر ائدهجگی قونوسوندا یاخشی درس وئرمهسی لازیمدیر" دئدی.