ایران، یئرلی واکسنه عاجل استفاده اجازه‌سی وئردی
ایران ساغلیق باخانی سعید نمکی، یئرلی واکسن چالیشمالارین‌دا‌کی سون وضعیتله ایلگیلی دانیشدی
ایران ساغلیق باخانی سعید نمکی، یئنی نسیل کوروناویروسا قارشی گلیشدیریله‌ن یئرلی واکسن کووایران برکتین عاجل ایستیفاده‌سینه اجازه وئریلدیگینی آچیقلادی.
مرکزی ایالتینین مرکز شهری اراک‌داکی ساغلیق پروژه‌لرینین آچیلیش مراسیمین‌ده دانیشان نمکی، یئرلی واکسن چالیشمالارین‌دا‌کی سون وضعیتله ایلگیلی دانیشدی.
یئرلی آشی کووایران برکته عاجل ایستیفاده اجازه‌سی وئریلدیگینی بیلدیرن نمکی، بیر باشقا یئرلی واکسن پاستورا گله‌جک هفته، رازی کوو پارس و فخرا واکسنلرینه ده یاخین‌دا اجازه وئریله‌جگینی ایفاده ائتدی.
ایران، کووایران برکتی ۲۹ دسامبردا ایلک دفعه اینسان اوزرین‌ده تست ائتمیش و باشاریلی نتیجه‌لر آلیندیغینی آچیقلامیشدی. بیلیم قورولونون باشین‌داکی محمد مخبرین قیزی طیبه مخبر، آشینین وورولدوغو ایلک کؤنوللو اولموشدو.
اؤلکه‌نین ایکینجی یئرلی آشیسی رازی کوو پارسین اینسان اوزرین‌ده‌کی ایلک سیناغی ایسه ۲۸ فوریه‌ده گرچکلشمیش، ایلک آشامادا واکسن ۱۳۳ کؤنوللویه وورولموشدو.
