تورکیهده ایکی دوز آشی اولانلارین ساییسی ۱۰ میلیونو گئچدی
واکسیناسیون پروگرامیندا حاضیردا سینوواک و بیوانتک آشیلاری ایستیفاده ائدیلرکهن اسپوتنیک آشیسینین ایلک بؤلومونون بو آی ایچینده تورکیهیه چاتماسی گؤزلنیلیر
تورکیهده یئنی نسیل کوروناویروس ایله موباریزه چرچیوهسینده ایکی دوز آشی اولانلارین ساییسی ۱۰ میلیونو گئچدی.
ساغلیق باخانلیغینین "کووید-۱۹ آشیسی بیلگیلندیرمه پلتفورمو"ندا یئر آلان آنلیق بیلگیلره گؤره، تورکیه ساعاتییلا ۱۰.۳۰ اعتیبارییلا ۱۴ میلیون ۳۵۲ مین ۹۵۶ نفره کووید-۱۹ واکسنین بیرینجی دوزو وورولورکن، ۱۰ میلیون ۶۸۰ نفرین ایکینجی دوزلاری دا تاماملاندی.
بئلهجه وورولان توپلام آشی ساییسی ۲۴ میلیون ۳۵۳ مین ۶۳۶یا چاتدی.
واکسیناسیون پروگرامیندا حاضیردا سینوواک و بیوانتک آشیلاری ایستیفاده ائدیلرکهن اسپوتنیک آشیسینین ایلک بؤلومونون بو آی ایچینده تورکیهیه چاتماسی گؤزلنیلیر.
یئرلی کوروناویروس آشیسینین گلیشدیریلمهسی اوچون داوام ائتدیریلهن ۱۸ چالیشمادان بیری اولان ارجیئس اونیوئرسیتهسینین اینآکتیف آشینین فاز-۳ چالیشماسینا دا بیر نئچه هفته ایچینده باشلانماسی هدفلنیر.
ایلگیلیلی خبرلر
روسیهده داشقینلار و سولار آلتیندا قالان ائولر
سو آلتیندا قالان ائولرین سایی 15 مین 641-ه یوکسلرکن، باغچالارین سایی 4 مین 13-ه چاتیب