وارسیل و یوخسول اؤلکهلر آراسیندا آشی اوچورومو
"گونئی کره، یوکسک گلیرلی بیر اؤلکه اولماسینا باخمایاراق، آشی حاضیرلایان اؤلکهلر ایله ایکیلی آنلاشمالار باغلامادی"
زنگین اؤلکهلرده تطبیق اولونان یئنی نسیل کوروناویروس (کووید-۱۹) آشیسی ایله یوخسول اؤلکهلر طرفیندن آلینان آشیلارین ساییسی آراسینداکی فرق گوندن گونه آرتیر.
دونیا ساغلیق هؤرگوتو باشقانی تدروس آدهانوم قبریسوس، زنگین اؤلکهلرده اویقولانان کووید-۱۹ آشیسی ایله یوخسول اؤلکهلره آشی تامین ائدن اولوسلارآراسی کووید-۱۹ آشیلاری کورهسل اریشیم پروقرامینین تامین ائتدیگی آشی ساییسی آراسینداکی اوچوروکون هر گئن گون بؤیودوگونو بیلدیردی.
قبریسوس، تشکیلاتین سوئیسین ژنو شهریندهکی مرکزینده ویدئو کنفرانس یولو ایله بیر مطبوعات کنفرانسی تشکیل ائتدی.
آدلارینی چکمهدن بعضی اؤلکهلرین بوتون جمعیتینی آشیلاماق اوچون رقابت ائتدیکلرینی ایفاده ائدن قبریسوس، آز گلیرلی اؤلکهلرده آشیلامانین هله باشلامادیغینا دقت چکدی.
گونئی کرهنین یوکسک گلیرلی بیر اؤلکه اولماسینا باخمایاراق، واکسن حاضیرلایان اؤلکهلر ایله ایکیلی آنلاشمالار باغلامادیغینی و اریشیم پروقرامیندان آشی گؤزلهدیگینی بیلدیرهن قبریسیوس، گونئی کرهنی زنگین اؤلکهلره اؤرنک اولاراق گؤستردی.
اؤته یاندان، قبریسیوس، اینگیلترهدهکی آکسفورد بیلیمیوردونون ائم/درمان شیرکتی آسترازنکا ایله گلیشدیردیگی کووید-۱۹ آشیسینین آمریکادا داوام ائدن ۳.جو فاز چالیشمالاریندا یوزده ۷۹ تأثیرلی اولدوغونو بیلدیردیگینی خاطیرلاتان قبریسیوس، بو آشینین ان اؤنملیسی، "قان لاختالانما ریسکینده بیر آرتیش اولوشدورمادیغی" وورغولاناراق،
"بو معلوماتلار آسترازنکا آشیسینین گوونلی و تأثیرلی اولدوغونون بیر باشقا اثباتیدیر" دئدی.
بو آرادا قبریسیوسون یاردیمچیسی دکتر ماریانجلا سیمائو، آفریقادا هئچ بیر اؤلکهنین آسترازنکا آشیسینی رد ائتمهدیگینی بیلدیردی.
سیمائو، بو آشی ایله باغلی گوونلیک قایغیلارینین بیتدیگینه دقت چکرک،
"هر شئی نورمالا دؤندو، آفریقا قارهسینده آسترازنکانی رد ائدن بیر اؤلکه یوخدور" دئیه دانیشدی.
ایلگیلیلی خبرلر
روسیهده داشقینلار و سولار آلتیندا قالان ائولر
سو آلتیندا قالان ائولرین سایی 15 مین 641-ه یوکسلرکن، باغچالارین سایی 4 مین 13-ه چاتیب