پروفسور اوغور شاهین: گلهجک ۱۰ ایل اوچون بیر پروبلئمدیر
"آشیمیزی دونیانین هر یئریندهکی اینسانلارا چاتدیرماق ایستهییریک"
یئنی نسیل کوروناویروس (کووید-۱۹) آشیسینی حاضرلایان آلمان بیوتکنولوژی شیرکتی بیوانتکین قوروجو اورتاغی، پروفسور دکتر اوغور شاهین، ویروسون گلهجک ۱۰ ایل اوچون پروبلئم یاراتدیغینی بیلدیررک،
"واکسنی۱۰ میلیوندان چوخ اینسانا وئردیک آنجاق هله باشاراجاق چوخ شئی وار. آشیمیزی دونیانین هر یئریندهکی اینسانلارا چاتدیرماق ایستهییریک" دئدی.
دونیا بانکی اولوسلارآراسی پول صاندیغی تورک چالیشانلاری درنگی،
بیوانتکین قوروجولاری اوغور شاهین و حیات یولداشی دکتر اؤزلم تورهجینین ایشتیراکی ایله "پاندمینین آرادان قالدیریلماسیندا اولوسلارآراسی امکداشلیق" آدلی ویدئو کنفرانس تشکیل ائتدی.
ویروسلا مباریزهده امکداشلیغین اؤنمینی وورغولایان شاهین،
"بو ویروسون بیزیمله قالاجاغی چوخ آچیقدیر. بو، یالنیز ۲۰۲۱ و ۲۰۲۲.جی ایللردهکی گئچیجی بیر پروبلئم دئییل. بو، گلهجک ۱۰ ایل اوچون بیر پروبلئمدیر" دئدی.
واکسنین پایلانماسی و الده ائدیلمهسینده ائشیدلیگی تامین ائتمک ایستهدیکلرینی ایفاده ائدن اؤزلم تورهجی، بو قونودا اولوسلارآراسی امکداشلیغین اؤنمینی وورغولادی.