مکزیکا-دا ژوئن آیی‌نین 23-و باش وئرن زلز‌له نتیجه‌سینده اؤلن‌لرین سایی آرتیب

ژوئن آیی‌نین 23-و مکزیکا-نین اوکساکا ایالتی ساحل‌لرینده باش وئرن زلز‌له نتیجه‌سینده اؤلن‌لرین سایی 10 نفره چاتیب.

بو باره‌ده اجتماعی تهلوکه‌سیزلیک و وطنداش‌لارین مودافعه‌سی ناظیرلیگی‌دن بیلدیریب‌لر.

معلوماتدا دئییلیر: "تأسف کی، بو بؤلگه‌ده 10 اؤلو و 21 یارا‌لی، مخیکودا ایسه 2 یارا‌لی حاقیندا معلومات داخیل اولوب".

بیلدیریلیر کی، زلز‌له نتیجه‌سینده 97 بلدیه‌ده 2 میندن آرتیق یاشاییش ائوینه و 55 مکتبه ضرر دییب. حاضیرکی دؤوردک 2،15 میندن آرتیق تکرار تکان قئیده آلینیب، ان بؤیوک تکانین شدتی 5،5 اولوب.

قئید ائدک کی، ژوئن آیی نین 23-و مکزیکا-نین اوکساکا ایالتی ساحل‌لرینده 7،4 شدتینده زلز‌له باش وئریب. یئرآلتی تکان‌لارین مرکزی کروسیتا یاشاییش منطقه‌سیندن 2 کیلومتر آرا‌لیدا، اوجاغی ایسه 22،6 کیلومتر درین‌لیکده یئرلشیب.