اندونزیا-دا 6،1 شدتینده زلز‌له باش وئریب

اندونزیا-نین قوزیی مالوکوی ایالتینده 6،1 شدتینده زلز‌له باش وئریب.

اندونزیا-نین متورولوژی اقلیم و ژئوفیزیک تشکیلاتی (BMKG) مرکزی ایالته باغلی باتی هلماحرا بؤلگه‌سیندکی ژایلولو شهریندن 122 کیلومتر قوزیی – باتی اولماقلا باش وئرن زلز‌له‌نین یئرین 10 کیلومتر آلتیندا اولدوغونو قئید ائدیب.

زلز‌له‌ده هر هانسی اؤلوم و خسارتین اولوب-اولمادیغی باره‌ده معلومات وئریلمه‌ییب.

پاسیفیک  سونامی خبردارلیق مرکزی زلز‌له‌دن سونرا سونامی خبردارلیغی ائتمه‌ییب.

سپتامبرین 26-دا مالوکوی ایالتینده باش وئرن 6،8 شدتینده زلز‌له‌ده 36 نفر اؤلوب.