آلبانیادا 6.4 بؤیوکلوگونده زلزله اولدو

آلبانیادا میدانا گلن 6.4 بؤیوکلوگون‌دکی زلز‌له‌ده ایلک بیلگیلره گؤره بیر نفر اؤلدو

آلبانیادا 6.4 بؤیوکلوگونده زلزله اولدو

آلبانیادا میدانا گلن 6.4 بؤیوکلوگون‌دکی زلز‌له‌ده ایلک بیلگیلره گؤره بیر نفر اؤلدو.

آلبانیا یئر علم‌لری، انرژی، سو و اطراف اینستیتوتون‌دان (IGJEUM) ائدیلن آچیقلامایا گؤره، مرکزی اؤلکه‌نین غربین‌دکی دیراج شهرینه 15 کیلومتر اوزاق‌لیق‌داکی زلز‌له‌نین، یئرین 38 کیلومتر درینلیگینده میدانا گلدیگی و 6.4 بؤیوکلوگونده اولدوغو قئید ائدیلدی.

 

ساوونما ناظیرلیگین‌دن ائدیلن آچیقلامادا، بیر آدامین چاخناشما سببیله بینا‌دان آتلادیغی اوچون اؤلدوگی ایفاده ائدیلدی.

ساغلیق ناظیرلیگین‌دن ائدیلن آچیقلامادا، یارا‌لانان 150 نفرین معا‌لیجه‌لری‌نین خسته‌خانا‌لاردا داوام ائتدیگی، ساغلیق قروپ‌لاری‌نین تیران، دیراج و اؤلکه ایچینده حاضیر اولدوغو معلوماتی پایلاشیلدی.

باشکند تیرانا باشدا اولماقلا آلبانیانین دیگر شهرلرینده و قونشو اؤلکه‌لر قوزئی مقدونیه، کوسووا و قارداغدان دا حیس ائدیلن زلز‌له آلبانیادا ایرتیباط پروبلمی و الکتریک کسینتیلرینه سبب اولدو.

تحصیل، ایدمان و گنج‌لر ناظیرلیگی تیران، دیراج و لژ شهرلرینده بو گون تحصیله آرا وئریلدیگینی بیلدیردی.

آلبانیادا 21 سپتامبردا میدانا گلن 5.8 بؤیوکلوگون‌دکی زلز‌له‌ده 132 نفر یارالانمیش، 600دن چوخ بینا ضرر گؤرموشدو.



ایلگیلی‌لی خبرلر