یونیسف:"یمن-ده 12 میلیونا یاخین اوشاق عاجیل یاردیما محتاج دیر"

یمن-ده 12 میلیونا یاخین اوشاغین عاجیل اینسانی یاردیما محتاج اولدوغو بیلدیریلیب.

یونیسف:"یمن-ده 12 میلیونا یاخین اوشاق عاجیل یاردیما محتاج دیر"

یمن-ده 12 میلیونا یاخین اوشاغین عاجیل اینسانی یاردیما محتاج اولدوغو بیلدیریلیب.

بمت-نین اوشاق فوندو یونیسف-ین یمن نماینده‌سی سارا بیسولوو نیانتی 20 نوامبر 20 اوشاق حقوق‌لارینی مودافعه گونو موناسیبتیله وئردیگی یازی‌لی آچیقلامادا، بمت-ده قبول اولونان "اوشاق حقوق‌لاری حاقیندا کنوانسیونا" باخمایا‌راق یمن-نین اوشاق‌لار اوچون دونیانین ان پیس اؤلکه‌لرین‌دن بیری اولدوغونو ایفاده ائدیب.

داوام ائدن توققوشما‌لارین اؤلکه میقیاسیندا اجتماعی خیدمت‌لری داغیلمانین آستاناسینا گتیریب چیخاردیغینا ایشاره ائدن نیانتی یمن-ده 12 میلیونا یاخین، یعنی تقریباً هر اوشاغین عاجیل اینسانی یاردیما احتیاجی اولدوغونو وورغولاییب.

نماینده همچنین یمن-‌لی صلاحیت‌لی‌لر داخیل بوتون طرف‌لرین اوشاق‌لارا ایستیقامت‌لی وئردیک‌لری وعدلری یئرینه یئتیرمه‌دیگینی خاتیرلادیب.

قئید ائدک کی، 1989-جو ایلین بو گونو بمت-ده "اوشاق حقوق‌لاری حاقیندا کنوانسیون"و قبول اولوندو. بو سنده اساساً اوشاق حقوق‌لاری‌نین مودافعه‌سی، اونلارین ساغلام‌لیغی و قیدا ایله تأمیناتیندا عضو دؤولت‌لر بیر-بیرینه قارشی‌لیق‌لی یاردیم ائتمه‌لی‌دیر. کنوانسیون اوشاق‌لارین موناقیشه‌لرده ایشتیراکینا یول وئرمه‌مک، اونلارین حقوق‌لارینی مودافعه ائتمک باره‌ده ده ماده قبول اولونوب.

 



ایلگیلی‌لی خبرلر