تانریلارا ماسک تاخدیلار
"اونلاری هاوا چیرکلیلییندن قوروماق اوچون اوزلرینه ماسک تاخدیق"
هیندیستانین اوتار پرادش ایالتینده بیر معبدهکی تانری هیکللرینه، هاوا چیرکلیلیگی سببیله ماسک تاخیلدی.
هیند مطبوعاتینداکی خبرلره گؤره، هیندلیلرین مقدس شهری واراناسیده تانری شیوا و حیات یولداشی تانریچا پارواتی تاپیناغینداکی راهبلر، تانری شیوا، تانریچا دورگا، کالی و سائی بابا هیکللرینین اوزلرینه هاوا چیرکلیلیگی سببیله ماسک تاخدی.
معبد باش راهیبی هاریش میشرا، هاواداکی ضررلی پارچاجیق میقدارینین تهلوکهلی سویهیه یوکسلمهسی اوزرینه بئله بیر ایشه ال آتدیقلارینی سؤیلهدی.
تانریلاری اوچون یاز آیلاریندا دا تدبیرلر آلدیقلارینی ایفاده ائدن میشرا، "قیشدا اوستلرینی اؤرتو ایله اؤرتریک. عینی شکیلده اونلاری هاوا چیرکلیلییندن قوروماق اوچون اوزلرینه ماسک تاخدیق" ایفادهلرینی ایشلتدی.
میشرا، معبدی زیارت ائدنلرین تانریلاردان ائتکیلنهرک ماسکا تاخماغا باشلادیغینی و بئلهجه فرقیندهلیک اولوشدوردوقلارینی قید ائتدی.
ماسکلی تانریلار سوسیال مئدیادا دا گوندهم اولارکهن چوخ ساییدا انسانین معبدی زیارت ائتدیگی ایفاده ائدیلدی.
ایلگیلیلی خبرلر
روسیهده داشقینلار و سولار آلتیندا قالان ائولر
سو آلتیندا قالان ائولرین سایی 15 مین 641-ه یوکسلرکن، باغچالارین سایی 4 مین 13-ه چاتیب