۱ میلیارددان چوخ اینسان یوخسوللوق ایچینده
ساواشلارین و قیتلیق کیمی بحرانلارین یاشاندیغی آفریقا اؤلکهلری یوخسوللوقدا باشی چکیر
دونیا جمعیتینین یوزده ۲۳ونه برابر اولان ۱،۳ میلیارد اینسان یوخسوللوق ایچینده یاشاییر.
اولوسلارآراسی پول صاندیغی، دونیا بانکی و بیرلشمیش میللتلر بیلگیلرینه گؤره، دونیاداکی یوخسول جمعیتینین یاریسینین، ۱۸ یاش آلتی، اوچده بیرینین ایسه ۱۰ یاش آلتی شخصلردن اولوشماسی دقت چکیر.
بیرلشمیش میللتلر، "۱۷ اکتبر دونیا یوخسوللوقلا مباریزه گونو" چرچیوهسینده ائدیلن مختلیف تدبیرلرله اولوسلارآراسی توپلومون بو مسئلهده فرقیندهلیگینی آرتیرماق اوچون چابا صرف ائدیر.
دونیادا یوخسوللوغون آزالما سرعتینده سون ایللرده یاواشلاما گؤرولورکن، ساواشلارین و قیتلیق کیمی بحرانلارین یاشاندیغی آفریقا اؤلکهلری یوخسوللوقدا باشی چکیر.
ان یوخسول اؤلکهلر سیرالاماسیندا بیرینجی سیرادا یئر آلان لیبریادا آدام باشینا ایللیک ۷۱۰ دلار گلیر دوشور.
بو اؤلکهنی سیراسیلا اورتا آفریقا جمهوریتی (۷۳۰ دلار)، بوروندی (۷۷۰ دلار)، کنگو دموکراتیک جمهوریتی (۸۷۰ دلار)، نیجریه (۹۹۰ دلار)، مالاوی (مین ۱۸۰ دلار)، موزامبیک (مین ۲۰۰ دلار)، سیئرالئون (مین ۴۸۰ دلار)، ماداگاسکار (مین ۵۱۰ دلار) و قُمر آدالاری (مین ۵۷۰ دلار) تعقیب ائدیر.
بو آرادا یوخسوللوغو ۲۰۳۰ ایلینه قدر تامامیله سونا چاتدیرماق مقصدیله ایشلر گؤرهن دونیا بانکینین اؤتن ایل یاییملادیغی "قلوبال یوخسوللوغو بیتیرمک" آدلی راپورونا گؤره، کۆرهسل یوخسوللوق سویهسی ۲۰۱۵.جی ایلده یوزده ۱۱دن یوزده ۱۰آ ائندی.
دیگر یاندان، یئترسیز بسلهنهن اینسان ساییسینین یوکسلیشده اولدوغو دونیا اوزره ۸۲۰ میلیوندان آرتیق انسان، یعنی ۹ نفردن بیری، آجلیقلا مباریزه ائدیر.