قوپان بوز جان آلدی

ایتن شخصلردن بیرینین اؤلو تاپیلدیغی، ایکی‌سینی آرختارما چالیشمالارینین سوردوگو بیلدیریلدی

1267931
قوپان بوز جان آلدی

دانمارک کرال‌لیغینا باغلی دونیانین ان بویوک آداسی گرینلندین باتیسینداکی اوماناق بؤلگه‌سی یاخینلارین‌دا بوز قوپماسی سونوجو ۱ بالیق‌چی اؤلدو، ۲سی ایتدی.

گرینلند پلیسیندن وئریلن آچیقلامادا، اوماناق بؤلگه‌سی یاخینلارینداکی اوکوسیسات/پرلیفیک فیوردو جیوارین‌دا بیر بوز کوتله‌سینین قوپدوغو و ۳ بالیقچینین ایتدیگی خبرینین گلدیگی بیلدیریلدی.

ایتن بالیقچیلاردان بیرینین اؤلو تاپیلدیغی، ایکی‌سینی آرختارما چالیشمالارینین سوردوگو بیلدیریلدی.

آچیقلامادا، قوپان بوزلارین دنیزده بویوک دالغالار اولوشدوردوغونا وورغو ائدیله‌‌رک، بؤلگه خالقین‌دان قوپما ریسکی اولان بوزلاردان اوزاق دورمالاری ایستنیلدی.

اۆز اؤلچومو باخیمین‌دان دونیانین ان بویوک آداسی و قوزئی قطبونون سطحی ان چوخ بوز کوتله‌سیله اؤرتولو بؤلگه‌سی اولان گرینلندین بوز اؤرتوسو کوره‌سل ایستیلشمه ندنی ایله تخمین ائدیلندن داها سرعتلی اریر.

آمریکان مئدیا قورولوشو سی‌ان‌ان‌ده یئر آلان خبره گؤره، گرینلندده ژوئیه آیین‌دا آرتان هاوا ایستیلیکلری ندنی ایله ۱۹۷ میلیار تن بوز اریدی.



ایلگیلی‌لی خبرلر