گون اورتا یوخوسونون فایدالاری

سوئیس‌لی متخصصلر، ۳ مین ۵۰۰ نفرینین یوخو عادتلری، عمومی ساغلیق وضعیتلری و حیات طرزلرینی تخمیناً ۸ ایل بویونجا آراشدیردی

1267597
گون اورتا یوخوسونون فایدالاری

سوئیس‌ده ائدیلن بیر آراشدیرما، قیسا سوره‌لی گۆن اورتا یوخوسونون قلب خسته‌لیکلری ریسکینی آزالتدیغینی اورتایا قویدو.

تایم درگیسینده یئر آلان مقاله‌یه گؤره، سوئیس‌لی متخصصلر، ۳۵-۷۵ یاش آرالیغین‌داکی ۳ مین ۵۰۰ نفرینین یوخو عادتلری، عمومی ساغلیق وضعیتلری و حیات طرزلرینی تخمیناً ۸ ایل بویونجا آراشدیردی.

آراشدیرمادا، یئترسیز یوخونون، ساغلیق پروبلئملری باخیمین‌دان ریسک یاراتدیغی، گوندوزلری یاتماغین چوخ اولماماسی شرطی ایله قلبه یاخشی گله‌جگی گؤرولدو.

یاریدان چوخ قاتیلیمچینین گون اورتا یوخوسو عادتی اولمادیغی، ۶۶۷سینین گوندوزلری بیر و یا ایکی دفعه، ۴۱۱ینین اوچ و یا بئش دفعه، ۳۷۰ینین ده آلتی یئددی دفعه گون اورتا یوخوسونا یاتدیغی بیلدیریلدی.

آراشدیرماچیلار هفته‌ده بیر یا دا ایکی گون قیسا مدت‌لی گون اورتا یوخوسونا یاتان اینسانلارین، گئجه چوخ یوخوسوز قالسالار دا اورک خسته‌لیکلرینه یاخالانما ریسکینین آز اولدوغونو معین ائتدی.

قیسا مدت‌لی گوندوز یوخولاری، استرس‌دن قورتولماغی و یئترسیز گئجه یوخوسونو دنگه‌لمه‌نی تامین ائد‌رک اورگی قورودوغو وورغولاندی.

آمریکا بیرلشمیش دؤولتلری خسته‌لیک کنترل و اؤنلمه مرکزینه گؤره، یئترسیز یوخو، دیابت، کؤکلوک، قان باسینجی، ایفلیج، اورک خسته‌لیکلری و ذهنی راحاتسیز‌لیقلار اوچون ریسک یارادیر.

اوزمانلار آیریجا گون بویونجا داها دینج قالاراق داها یاخشی چالیشماق اوچون ۲۰ دقیقه‌لیک گون اورتا یوخوسونون یئترلی اولدوغونو ایفاده ائتدی.

 



ایلگیلی‌لی خبرلر