حیوانات باغچالارینا گتیریلمه‌لری قاداغان ائدیلدی

آنالارین‌دان زورلا قوپاریلان بالا فیللردن بعضیلرینین آلدیقلاری روحی ضربه سببیله اؤلدوگو ایفاده ائدیلیر

1255524
حیوانات باغچالارینا گتیریلمه‌لری قاداغان ائدیلدی

بیرلشمیش میللتلر تشکیلاتی (بمت)، آفریقا فیللرینین وحشی حیات ساحه‌لرین‌دن حیوانات باغچالارینا گتیریلمه‌لرینی قاداغان ائتدی.

بیرلشمیش میللتلر تشکیلاتینین ژنو افیسینده نسلی تهلوکه آلتین‌داکی نؤوعلرین تیجارتینه باغلی سؤزلشمه‌یه باغلی آفریقا فیللرینین قورونماسی اوچون ائدیله‌ن سس وئرمه‌ده، ۱۸ "یوخ" قارشیسیندا، ۴۶ اؤلکه  "اولور" اویو وئردی، ۱۹ اؤلکه ایسه طرفسیز قالدی.

سس‌وئرمه ایله آفریقا فیللرینین وحشی حیات ساحه‌لرین‌دن حیوانات باغچالارینا گتیریلمه‌لری قاداغان ائدیلدی.

اولوسلارآراسی انسانی توپلوم درنگی، قونویا باغلی وئردیگی آچیقلامادا، "تپیکله‌نن و دؤیوله‌ن فیللره قارشی ایشله‌نه‌ن ظولمو دوردورماق سؤزو وئردی.

درنگین وحشی حیات پروگراملاری و سیاستی اوزمانی ایریس هو، قرارلا ساییسیز فیلین طبیعی حیات ساحه‌لرین‌دن قوپاردیلماسینین و حیوانات باغچالارین‌دا پیس شرطلرده جبس ائدیلمه‌سینین اؤنونه گئچیله‌جگینی قید ائتدی.

اؤته یاندان، زیمبابوه‌نین، ۲۰۱۲دن بو یانا چینده‌کی حیوانات باغچالارینا ۱۰۰ بالا فیل صادر ائتدیگی بیلینیر.

گونئی آفریقا، نامیبیا و زیمبابوه، حیوانات باغچالارینا ان چوخ وحشی فیل صادر ائد‌ن اؤلکه‌لر آراسین‌دا یئر آلیر.

 آنالارین‌دان زورلا قوپاریلان بالا فیللردن بعضیلرینین آلدیقلاری روحی ضربه سببیله اؤلدوگو ایفاده ائدیلیر.


اتیکتلر: #قاداغا , #آفریقا , #فیل

ایلگیلی‌لی خبرلر