آدا یوخا چیخدی

اویدو گؤرونتولرین‌ده گؤرولمه‌مه‌سی سونراسی آدانین یوخ اولدوغو آچیقلاندی

1235253
آدا یوخا چیخدی

پاکیستانین گوادار شهری اورتالارین‌دا ۶ ایل اؤنجه اولوشان آدا یوخا چیخدی.

اؤلکه‌نین گونئیینده‌کی بلوچستان و سند ایالتلرینی ۲۰۱۳ ایلینده ووران ۷.۷ گوجون‌ده‌کی زلز‌له‌نین آردین‌دان گوادار شهری سولاریندا اوزون‌لوغو ۴۰، ائنی ۹۰، یوکسکلیگی ایسه ۲۰ متر اولان بیر آدا یارانمیشدی.

پالچیق پوسکوره‌ن وولکان بنزری بیر یاپی طرفین‌دن یارادیلدیغی معین اولونان آدایا، "زلز‌له جزیره" آدی وئریلدی.

پاکیستان میللی اقیانوس آراشدیرمالاری انستیتوسو، آمریکا هاواچیلیق و اوزای آژانسینین (ناسا) وئردیگی اویدو گؤرونتولرین‌ده گؤرولمه‌مه‌سی سونراسی آدانین یوخ اولدوغونو آچیقلادی.

آراشدیرمالاری انستیتوسو اسکی مودورو عاصف اینام، وئردیگی آچیقلامادا بو طرز کیچیک آدالارین زلز‌له‌لرده یارانسا دا ۶ ایل یاشاماسینین گؤزلنمه‌دیگینی بیلدیردی.

پاکیستانین عمان دنیزی ساحلین‌ده بو کیچیک آدالارین اولوشما سببی اولاراق دنیز آلتین‌داکی متان گازی گؤستریلیر.

آراشدیرمالارا گؤره متان گلزی، چیخیش تاپدیغی آندا اوزرین‌ده‌کی پالچیغی دا قالدیراراق گونبز شکلین‌ده بیر قورولوش عمله گتیریر. بو قورولوش بعضا دنیز سویه‌سینه یوک‌سه‌له‌رک کیچیک آداجیقلار کیمی گؤرونور.

بو اولوشوملارین سو اوزرینه تام چیخماماسی ایسه بعضا دنیز قضالارینا سبب اولور.



ایلگیلی‌لی خبرلر